عومەر مەعروف بەرزنجی
ئەم چەند لاپەڕە دوور و نزیکەی لەم کتێبەدا دەبینرێن و پیکەوە گرێدراون، نووسینیان دەگەرێتەوە بۆ ماوەیەکی سنووردار (1995 - 2004) زۆریشیان زادەی ڕەخساوی ڕۆژگارێکی تایبەتن، لە سەرەتاوە تا بنەتای لەسەر یەک بۆنەو بابەتی تایبەت و ناونیشانیکی دیاریکراو نەگیرساونەتەوە. کتێبەکە ڕستێک وردەکارییەکانی مێژووی ئەدەب و گەشەو هەڵکشانی ڕەوتی ڕوناکبیری و ئاواڵە کردنی لاپەرەکانی ڕۆژنامەنووسی و فرمێسک و هەژانی یادی ئازیزان و سەربوردی مێژوویی و بەسەرکردنەوەی ڕووە باڵاکانی ئەدەب و ڕێبوارانی هەورازی خەبات و ژیانی لەخۆگرتووە باسەکان و شێوازی دەربڕینیان بەمەبەستی ڕۆچوون و قوڵبوونەوەو لێکۆڵینەوەیەکی مەودا فراوان نەنوسراون، زۆربەیان نەفەسیان کورت و چڕ و بروسکە ئاسایین، دیارە هۆی بنەڕەتی دەگەرێتەوە بۆ ئەو بەربەست و سنوورەی کە بەشیکی زۆریان بەناوی (بەڵگەی زیندوو) بۆ گۆشەیەکی تایبەتی ڕۆژنامەی (کوردستانی نوێ) نووسراون. بەڵام چێژ و مەبەست و تایبەتمەندی و کرۆکی باسەکان بە یەکتر نامۆنین و، ڕایەڵەکانیان لێک نەترازاون، سەرئەنجامیش ئەم لەپەڕانە دەبنە بەشێکی تۆماری ڕەوتی مێژووی ئەدەب و ڕۆژنامەنووسی کوردی.
لەلایەکی تریشەوە نووسینەکان پەرش و بڵاوبوون، جگە لە گۆشەی بەڵگەی زیندوو ئەوانی تر هەریەکەیان لە شوێنێک گیرساونەتەوو، هەندێکیشیان بەبێ ناو بڵاوبوونەتەوە، بەڵام چێژ و تازەیی خۆیان لەدەستنەداوەو بژار و چاپکردنەوەیانم لە کتێبی سەربەخۆدا بە کارێکی دروست زانی.
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,973 mal angesehen
Schreiben Sie Ihren Kommentar zu diesem Artikel!