جەژنی جەمایێ لە سەرجەم خوشک و برایانی ئێزیدی لە کوردستان و هەر سووچێکی جیهان دەکەین. هیوادارین ئەم جەژنە بۆ هەمووان بە خێر و خۆشی بگەڕێتەوە و جەژن و بۆنەکانی داهاتووش لە دۆخێکی باشتردا بۆ ئێزیدیەکان و تەواوی کوردستانیان بکرێنەوە.
ئەمساڵ جەژن لە کاتێکدا دەگێڕدرێت، کە هێشتا بە دەیان هەزار خوشک و برای ئێزیدیمان لە ژیانی ئاوارەییدا لە کەمپەکان دەگوزەرێنن و ناتوانن بگەڕێنەوە سەر ماڵ و حاڵی خۆیان، زیاتر لە 3 هەزاریشیان بێسەروشوێنن و چارەنووسیان نادیارە.
ئێمە جارێکی دیکە خوشک و برا ئێزیدییەکانمان دڵنیا دەکەینەوە، کە ئەوەی لە تواناماندا بێت درێخی ناکەین، بۆ ئەوەی بگەڕێنەوە سەر ماڵ و حاڵی ئارام و ئاوەدانکراوی خۆیان و تا یەک ئێزیدیش بێسەروشوێن مابێت، هەموو هەوڵەکانمان بۆ گەڕاندنەوەیان دەدەین.
دووبارە جەژنی جەمایێ پیرۆز بێت، هەرساڵ بەخێر و خۆشی.[1]
#نێچيرڤان بارزانی#
سەرۆکی هەرێمی کوردستان
#05-10-2019#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,589 mal angesehen