پەلاماری #داعش# بۆ سەر لیوایەکی پێشمەرگەی کوردستان لە #خانەقین#، دوابەدوای زنجیرەیەک کردەوەی تیرۆریستیی یەک لە دوایەکی ئەم چەند مانگەی ڕابردوو لە ناوچەکانی دەوروبەری #کەرکووک# و #گەرمیان#، سەلمێنەری ئەو ڕاستییەیە کە داعش کۆتایی نەهاتووە و هێشتا هەڕەشەیە بۆ سەر ئارامی و ئاساییش، شەڕی لەنێوبردنی ئەو دوژمنە سەرسەختەی مرۆڤایەتی هێشتا درێژەی هەیە.
ئێمە لە کاتێکدا سڵاو و دروود بۆ گیانی پاکی ئەو شەهیدە نەمرانە دەنێرین کە لە تێکشکاندنی پەلامارەکەی داعشدا گیانیان سپارد و هیوای چاکبوونەوەی خێرا بۆ بریندارەکانمان دەخوازین و دەستخۆشی لە پێشمەرگە قارەمانەکانمان دەکەین، هاووڵاتیانی کوردستان دڵنیا دەکەینەوە کە هێزی پێشمەرگە و هێزە چەکدارەکانی دیکەی کوردستان وەک هەمیشە لە ئامادەباشیدان بۆ بەرپەرچدانەوە و تێکشکاندنی هەر جووڵەیەکی تیرۆریستان و پاراستنی خەڵک و خاکی کوردستان لە هەر مەترسییەک.
جارێکی دیکەش جەخت لەوە دەکەینەوە کە داعش هێشتا هەرەشەیە بۆ سەر ئاشتی و ئاسایشی کوردستان و عێراق و ناوچەکە و جیهان، دڵنیاین ئەو ڕێکخراوە تیرۆریستییە خەریکی خۆڕێکخستنەوە و قۆستنەوەی بارودۆخەکەن بۆ فروانکردنی کارە تیرۆریستییەکانیان، بۆیەش پێویستە هاوپەیمانیی دژە داعش بە هەمان گوڕ و تینی جارانەوە بەردەوام بێت و ڕێگە نەدرێت تیرۆریستان بارودۆخی نالەباری عێراق و ناوچەکە بقۆزنەوە، هەوڵەکانیش چڕ بکرێنەوە بۆ هەرچی زووتر کۆتاییهێنان بە هەلومەرجی شێواوی عێراق و گێڕانەوەی سەقامگیری.
#نێچیرڤان بارزانی#
سەرۆکی هەرێمی کوردستان
05-12-2019
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,376 mal angesehen
Schreiben Sie Ihren Kommentar zu diesem Artikel!