تیۆدۆر کالیفاتیدێس
وەرگێڕانی: #دلاوەر قەرەداغی#
کات جەنگی جیهانیی دووەمە و بەیانییەکیان گوندێکی یۆنانیی بۆمبباران دەکرێ، خانمە مامۆستای گوند و قوتابیانی قوتابخانەکە لە ترسا خۆیان لە ئەشکەوتێکدا پەنا دەدەن. لەوێ لەو ئەشکەوتەدا خانمی مامۆستا حەکایەتی جەنگێکی تر بۆ قوتابییەکان دەگێڕێتەوە: حەکایەتی گەمارۆدانی تەڕوادە لەلایەن یۆنانییەکانەوە. یان هۆمیرۆس گوتەنی: گەمارۆدانی ئیلۆن لەلایەن ئاکاییەکانەوە.
ڕۆژ دوای ڕۆژ خانمی مامۆستا بۆ قوتابییەکانی دەگێڕێتەوە کە چۆن گەمارۆدەران عەزاب بەدەست تینوێتی و گەرما و تامەزرۆیی بۆ نیشتمان دەکێشن و چۆناوچۆنی هەردوو سوپا، جەنگاوەر بەرامبەر جەنگاوەر و شمشێر بەرامبەر شمشێر بەڕەنگاری یەک دەبنەوە: سەر دەپەڕێ، کڵاوخوودە درز دەبا و خوێن فیچقە دەکا.
هەموو شتەکانیش کاتێ دەست پێ دەکەن کە شازادە(پاریس) ی تەڕوادەیی، عاشقی(هێلێنا) ی شۆخ و شەنگ، ژنی(مێنێلاوۆس) ی پادشای ئاکاییەکان دەبێ و(هێلێنا) ڕەدووی(پاریس) بۆ تەڕوادە دەکەوێ. ئێستا(هێلێنا) لای شوورەی شارەوە ڕاوەستاوە و تەماشای شەڕی بەرانبەرێنەی نێوان پاریس و مینێلاوۆس دەکا. شەڕەکە هەرچۆنێ تەواو ببێ و بەهەرلایەکدا بکەوێ، هێلێنا هەر دۆڕاو لێی دەر دەچێ.
لەم ڤێرژنەی(تیۆدۆر کالیفاتیدێس)، ڕۆماننووس و شاعیری سوێدی بە ڕەچەڵەک یۆنانیدا بۆ ئەلیادە، ئەم ئەفسانە کلاسیکییە هەم ئەو خوێنەرە کەمەندکێش دەکا کە هەرگیز ناوی(هۆمیرۆس) ی نەبیستووە و هەم خوێنەرێکیش کە ئاشنایەتییەکی فرەی لەگەڵ مێژووی دێریندا هەیە.[1]
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,645 mal angesehen
Schreiben Sie Ihren Kommentar zu diesem Artikel!