گردبوونەوە و خۆپيشاندانی مەدەنيانە مافێکی دەستوورييە، بەڵام بەکارهێنانی توندوتيژی و پەلاماردان و ڕەفتاری نابەرپرسانەی بەئامانجگرتنی باڵيۆزخانە و نێردە ديپلۆماتييەکان، پێشهاتێکی مەترسيدارە. بە نيگەرانييەکی قووڵەوە لە ڕووداوەکانی ئەم دواييە و پەلاماردانی باڵيۆزخانەی ئەمەريکا لە بەغدا دەڕوانين کە کارێکی به تەواوی قبووڵنەکراو و ڕەتکراوەيە و بەرژەوەندييەکانی عێراق دەخاتە مەترسييەوە.
ئەمەريکييەکان هاوپەيمان و دۆستی عێراق و هەرێمی کوردستانن و هاوبەشێکی سەرەکی بوون لە ڕزگارکردنی عێراق و سەرکەوتن بەسەر تيرۆرستانی قاعيدە و #داعش#دا. بۆ بەرەنگاربوونەوەی مەترسييەکانی تيرۆر و پاراستنی بەرژەوەندييەکانيان، هێشتاش عێراق و هەرێمی کوردستان پێويستييان بە پشتگيری و هاوکاريی ئەمەريکا و هاوپەيمانيی نێودەوڵەتی هەيە.
نێردەی وڵاتان و ديپلۆماتکاران ميوانی عێراقن و دەبێ پارێزراو و ڕێزلێگيراو بن. داوا لە لايەنە بەرپرسەکان دەکەين ئەرکی خۆيان لە پاراستنيان جێبەجێ بکەن و ڕێگە نەدەن پەلاماری باڵيۆزخانە و دامەزراوە و نێردە ديپلۆماتييەکان بدرێت.
نێچيرڤان بارزانی
سەرۆکی هەرێمی کوردستان
#01-01-2020#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,250 mal angesehen