جەژنا سەرسالا ئێزدییان ل هەمى خوشک و برايێت مە يێت ئێزدى ل کوردستانێ و ل هەر دەرەکا دنيايێ بن، ب تايبەتى ژى سەرسالا کەسوکارێت قوربانى يێت دەستێ تيرۆرێ و يێت کو هێشتا د کەمپێت ئاوارەييێدانە، پيرۆز دکەم. هيڤيدارم جەژن و هەلکەفتن و بيرهاتنێت مە يێت بێن، د رەوشەکا باشتردا ڤەگەڕن.
ئيسال جەژن د دەمەکێدا ڤەدگەڕيت، کو کوردستان ژى وەکى هەمى جيهانێ کەتيە بن باندۆرا کۆرۆنايێ، هەروسا هێشتا چارەنڤيسا ب هزاران خوشک و برايێت مە يێت ئێزدى يێت قوربانى يێت دەستێ تيرۆرێ نەدياره. د ڤێ رەوشێدا تڤيا ئەم هەمى پێگيرى رێنماييێت تەندروستى بين و خۆ بپارێزين.
ب ڤێ هەلکەفتنێ جارەکا دى ئەم خوشک و برايێت مەيێت ئێزدى پشتڕاست دکەين، کو هندى خوشک و برايەکێ مە يێ ئێزدى وندا مابێت، چ پێويستە دێ کەين داکو تشتەکی ژ چارەنڤيسێ وان بزانين و رەڤاندى يێت مايى ژى رزگار بکەين، دێ لسەر هەولێت خۆ ژى بۆ ب پارێزگەهکرنا #شنگال#ێ و ئاڤەدانکرنا دەڤەرێت ئێزدييان بەردەوام بين.
جەژن و سەرسالا وە پيرۆز بيت، هەر سال ب خێر و خۆشى.
#نێچيرڤان بارزانى#
سەرۆکێ هەرێما کوردستانێ
#14-04-2020#
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 2,797 mal angesehen
Schreiben Sie Ihren Kommentar zu diesem Artikel!