پاشنیوەرۆی ڕۆژی 27ی خاکەلێوە، فرۆکە جەنگییەکانی تورکیا کەمپی پەنابەرانی مەخموریان لە ڕۆژئاوای شاری هەولێر بۆردومان کرد کە بەهۆیەوە سێ ژن لە دانیشتوانی ئەم کەمپە گیانیان لەدەستدا و ژمارەیەکی دیکەش برینداربوون.
ساڵانێکی زۆرە خاکی باشوری کوردستان لەلایەن فرۆکە جەنگییەکان و تۆپخانەکانی سوپای تورکیا و کۆماری ئیسلامی ئێران دەکرێتە ئامانج و بەهۆیەوە زیانێکی زۆری گیانی و مادییان بە خەڵکی ناوچەکە گەیاندوە. بۆردومانی کەمپی مەخمور دوا نمونەی ئەم دەستدرێژییانەیە کە لەلایەن سوپای تورکیا دەکرێتەسەر خاکی باشوری کوردستان.
کۆمەڵەی زەحمەتکێشانی کوردستان وێڕای دەربڕینی هاودەردی لەگەڵ دانیشتوانی مەخمور و ناوچەکە و هیوای زووچاکبوونەوە بۆ بریندارەکان، بۆردومانی کەمپی پەنابەرانی مەخمور و دەستدرێژی حکومەتی تورکیا بۆ سەرخاکی باشوری کوردستان بەهەر بیانوییەک مەحکوم دەکات و داوا لە حکومەتی هەرێمی کوردستان و حکومەتی عێراق دەکات بە گرتنەبەری ڕێکارە نێودەوڵەتییەکان هەوڵبدەن بەر بە پێشێلکارییەکانی دەوڵەتی تورکیا بگرێت.
#16-04-2020#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,777 mal angesehen
Schreiben Sie Ihren Kommentar zu diesem Artikel!