بەڕێوەبەری پۆلیسی دارستان و ژینگە لە پارێزگای #هەڵەبجە# ڕایگەیاند، ئەو کۆمپانیایەی سرووشتی ناوچەی سەرگەتی لە هەورامان شێواندبوو، کارەکانی پێڕاگیراوە و دراوەتە دادگا.
عەقید ئەرسەلان غەفوور، بەڕێوەبەری پۆلیسی دارستان و ژینگە لە پارێزگای هەڵەبجە بە تۆڕی میدیایی ڕووداوی ڕاگەیاند، دوای ئەوەی ڕۆژی پێنجشەممەی ڕابردوو 24-04-2020 ئاگادارکراینەوە کە کۆمپانیایەک داری بڕیوە و ژینگەی پشتی سەرگەت و هانەی دنی لە ناوچەی هەورامان تێکداوە، تیمەکانمان گەیشتنە شوێنی ڕووداوەکە و کارەکەیان بە کۆمپانیاکە ڕاگرت و لەلایەن بنکەی پۆلیسی دارستانی بیارەشەوە ئەو کەسانەی سروشتەکەیان شێواند دراونەتە دادگا..
بەڕێوەبەری پۆلیسی دارستان و ژینگە لە پارێزگای هەڵەبجە باسیشی لەوە کرد، دۆسیەی تۆمەتبار ئاراستەی دادگا کراوە و بڕیاری کۆتایی لای دادوەرە.[1]
#27-04-2020#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,862 mal angesehen