تولای هاتیم ئۆگیولاری یاریدەدەری هاوسەرۆکی گشتیی کۆمیتەی باوەڕی و گەلانی #هەدەپە# بە بۆنەی ساڵیادی کۆمەڵکوژیی دێرسیمەوە ڕاگەیاندراوێکی بڵاوکردەوە.
لە ڕاگەیاندراوەکەدا یادی قوربانیانی کۆمەڵکوژییەکەی دێرسیم کراوەتەوە و تیایدا هاتووە کۆمەڵکوژیی ساڵانی 1937-38 بە مانای زریان، هەڵوەشاندنەوە و لە ناوبردن و سڕینەوەیە. ناوی 'تەرتەلە – بە باشترین شێوەی تایبەت' بۆ بەکارهێنراوە. یەکێک لە گەورەترین کۆمەڵکوژییەکانی تورکیایە و لە لاپەڕە ڕەشەکانی مێژوودا تۆمارکراوە و جێگای شەرمەزراییە. دەیان هەزار مرۆڤ کۆمەڵکوژکران.
هەرچەند 83 ساڵیش بەسەر ئەو کۆمەڵکوژییەدا تێپەڕیوە، بەڵام دەبێت دەوڵت ڕووبەڕووی ڕاستیی ئەو کۆمەڵکوژییە ببێتەوە. پێویستە بۆ ڕوونکردنەوەی ئەو کۆمەڵکوژییە کۆمیتەی ڕاستی و ڕووبەڕووبوونەوە دابمەزرێت. پێویستە هەموو ئەرشیڤەکان بکرێنەوە و ئاشکرا بکرێن. پێویستە بڕیارە تۆمارکراوەکانی دادگا بۆ ڕای گشتی ئاشکرا بکرێن.
تەنانەت ئەگەر بە شێوەی غیابی و نائامادەبوونی ئەنجامدەرانی ئەو کۆمەڵکوژییەش بێت، دەبێت ئەنجامدەرانی کۆمەڵکوژییەکە دادگایی بکرێن. پێویستە بەڵگەکانی کۆچپێکردنی دێرسیمییەکان و بێسەروشوێنکراوەکان ئاشکرا بکرێن و زمان و کولتوری دێرسیمی بۆ بگەڕێنرێتەوە. پێویستە دەوڵەت لەسەر بنەمای ڕاستی ڕووبەڕوو ببێتەوە و داوای لێبوردن لە بنەماڵەی قوربانیان و گەلی دێرسیم بکات.[1]
#04-05-2020#
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,862 mal angesehen
Schreiben Sie Ihren Kommentar zu diesem Artikel!