بەرێزان خێزان و مالبات و کەس و کارێن شەهیدان
ئەمین سەلاح حەسەن بەرواری
موخلس ئادەم رێکانی
دیمان عومەر ئورەماری
ئازاد مەهدی مەم ڕێکانی
جهێ دلگرانی و داخێ یە ئەڤرو جارەکا دی ئەڤ پوڵێ گەنجێن دەڤەرا بادینان بوونە قوربانیێن هێڕش و بۆردومانێن لەشکەرێ تورکیا، و ئەڤە چەندین جارە دڤان جورە هێڕش و کریارێن لەشکەرێ تورکیادا بدەهان وەڵاتیێن بێ گوننەهێن دەڤەرا بادینان بوونە قوربانی و ب ڕاستی ژی خوینەکا زۆر بێی هیچ ئەگەر و بەهانە هاتە ڕشتن، لەورا پێدڤییە سنورەک بۆ ب ئارمانج گرتن و شەهیدکرنا گەنجێن مە بهێتە دانان.
دڤێ روودانا ناخ هەژیندا، بناڤێ سەرکردایەتییا بادینان و سەرجەم جێگر و کارگێری و ئەندام و هەڤالێن ئێکەتی نیشتیمانی کوردستان دسنورێ مەڵبەندێ چواردا پرسە و سەرخۆشیان ئاراستەی خێزان و مالبات و کەسوکارێن هەرچار شەهیدێن جوانەمەرگ دکەین، ژخودایێ پاک و دلۆڤان هیڤیخوازین گیانێ وان ب بەهەشتا خۆ یا بەرین شادبکەت و سەبر و هەدارێ بدەتە هەموو لایەکی.
هەڤدەم داخوازێ ژ هەردوو حکومەتێن هەرێما کوردستانێ و عیراقێ و گشت لایەنێن دەستهەڵاتدار و پەیوەندیدا دکەین ب ئەرکێ خۆیێ نیشتیمانی ڕابن و ئێدی ڤێ زورداریا ل خەلک و دەڤەرێن مە دهێتەکرن قەبوول نەکەن، ل گورەی ڕێکارێن سیاسی و دبلوماسی و ب رێیا ناڤەند و جڤاکێ نێڤدەولەتی گڤاشتنێ ل دەولەتا تورکیا بکەن، کو پێشلکاری و زێدگاڤیێن لسەر هەرێما کوردستانێ بدوماهی بینیت و هەرێما کوردستانێ نەکەتە گۆڕەپانا هەڤڕکیێن خۆ یێن سیاسی، و کێشە و گرفتێن خۆ ب ڕێ و شێوازێن سیاسی و ئاشتیانە چارەسەر بکەت.
دووبارە پرسە و سەرخۆشیێن مە قەبوول بکەن
انا الله و انا الیه راجعون
ئاراس محەمەد ئاغا
ئەندامێ سەرکردایەتیا ئێکەتی نیشتیمانی کوردستان
بەرپرسێ مەڵبەندێ دهوک
#19-06-2020#
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 1,662 mal angesehen
Schreiben Sie Ihren Kommentar zu diesem Artikel!