خەلکێ ئازادیخوازێ کوردستانێ
سوڵتان و دەستهەڵاتداریێن تورکان، د درێژیا دیروکێدا ب هەموو شیان و هێزا خوە ژ بۆ قڕکرن و ژناڤبرنا گەلێن کوردسنانێ و کوردان بکارئینایە. ب دەهان کۆمکوژی و زیندەچالکرن ب سەرێ کورد و کوردسانیان ئەنجام داینە و هەتا ئیرۆ ژی ل سەر ڤێ دبەردەوامن. ئەو ب ئەشکەرا ڤێ دبێژن: هەکە کۆنەک ب ناڤێ کوردان ل ئەفریقایێ بێتە هلدان، ئەم قەبوول ناکەین و دێ هەول دەین ژ هۆلێ راکەین! بەلێ تورک نەیارتیا خوە یا ل دژی کوردان ب ئەشکەرایی دبێژن.
مخابن، ئەڤرو ل هەمبەری ڤان هەموو راستیێن هان، هنەک هێز و گروب و چەند خەلکەکێن نەفام کەفتینە بن باندۆرا پڕۆپاگەندە و دەرەوێن دەولەتا تورک و خەلکەکێ کو تەسلیمی ئیرادەیا فاشیزما وان بووین. وێ ژ رایا گشتیی رادگەهینن سەکو ئەڤ هێرشێن هان تەنێ ژ بۆ مەرەما لێدان و ژناڤبرنا پ ک ک ێ هاتینە د ناڤ ئاخا باشورێ کوردستانێدا.
کوردستانیێن بەڕێز، ئەڤ دیتن و پڕۆپاگەندە خاپاندن و چاڤ تاڕیکرنا رایا گشتیی یا کوردستانێ یە! لەوما ئەم تەکەز دکەین کو ئەڤا دهێتەکرن، بۆمبباران، گەف و تیرۆر و لەشکەرکێشیا دەولەتا تورکیا بۆ سەر باشور، پلانەکا مەزن و خەتەرناکە ل دژی هەموو کوردستانێ، ب قەوارە – دیفاکتۆیا هەرێما کوردستانێ ڤە ژی. ئەڤ پلان ژ دەستپێکا هێرشێن گروبا تیرۆرستیا #داعش# کو ماڵبابا وێ دەولەتا تورکیایە بو سەر کوردستانێ وداگیرکرنا #عەفرین#ێ دەستپێکر. قۆناغ ب قۆناغ هەتا گەهشتییە رۆژا ئەڤرۆ کو قۆناغا داگیرکرنا #قەندیل#ێ یە. ب داگیرکرنا قەندیلێ مەرەم داگیرکرن و کۆنترۆلکرنا چیایێن کوردستانێ و ب عەرەبکرن و داعشکرنا وان چیایانە. پلان ئەوە وێ دەڤەرێ بکەنە (تۆڕابۆڕا) و ببیتە مۆڵگە و ڤەحەوانا هێزێن توندڕەو و تیرۆرستێن ئیسلامی یەن وەک نوسرە و جیهاد و داعشان، یێن ئەڤرۆ ب هەزارەها چەکدارێن وان ل سەربازگەهێن تورکیادا دهێنە مەشقپێکرن و ئامادە و پڕچەک کرن.
هەکە ئەڤ هێرش و داگیرکەرییە پێشی لێ نەهێتە گرتن! چارەنڤیسێ باشورێ کوردستانێ دێ کەڤیتە د خەتەرییەکا کوژەردا و د ئەنجام دا قۆناغێن پێش دێ داگیرکرنا #سلێمانی#، #کەرکووک#، #هەولێر# و #دهۆک#ێ بیت.
ئەم بانگ ل گەلێ کورد بگشتیی و گەلێ خوە یێ ل باشورێ کوردستانێ دکەین، ب ئیرادەیەکا پۆلایین ل هەمبەری ڤێ پلانێ بسەکنن و نیازێن قڕێژ یەن دەولەتا داگیرکەرا تورکیایێ ژناڤ ببەن و هەروەها ب پرۆپاگەندەیێن دەولەتا تورک و هین هێزێن خاپینوکێن ناڤخۆ باوەڕنەکەن. ل هەمبەردا دبەرخوەدانەکا دلسۆزانە و نیشتمانپەروەریانەدا بن.
ئەم بانگ ل دەستهەڵاتا هەرێما کوردستانێ دکەین، بێ هەلوێستی و بێدەنگییا وە ل هەمبەر ڤان پلان و دەستدرێژیێن دەولەتا تورکیا بۆ سەر خەلک و سەروەریا هەرێمێ و خودینەدەرکەفتن ژ خوین و چارەنڤیسا گەلێ کورد رەخنە دکەین و ل هەمبەر دیرۆکێ و ئەڤرۆیا گەلێ مە دێ کەڤنە بەر پرسیار و بەرپرسییێ.
کاروانێ گەل:
１.بیستون بەرواری
２.سەلام بۆسەلی
３.نوهاد رەشاڤەیی
４.بەهزاد سلێڤانەیی
５.سیامەند هاریکی
６.بەهزاد پیرمووسا
７.دیار بامەڕنی
８.لەزگین نێروەیی
９.قەهرەمان بامەڕنی
１０.بەنگین سلێڤانەیی
１１.هەوار هاریکی
１２.پاڵە سەرنی
１３.نزار پیرۆ
１４.غەریب بامەڕنی
１５.ئاراس #ئامێدی#
１６.بلند بامەڕنی
#24-06-2020#
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 1,800 mal angesehen
Schreiben Sie Ihren Kommentar zu diesem Artikel!