درۆ لایان ساغ دەبێتەوە.
درۆ، شاردنەوەی ڕاستیەکانە، چاوبەست و دزینی عەقڵی مرۆڤە، ساغکردنەوە واتە کڕین وفرۆشتنی لە بازاڕدا، کاتێک کەل وپەل و بەرهەمێک بەرهەم دەهێنرێت پێویستی بەبازاڕ هەیە بۆ ساغکردنەوەی، له و ئیدیۆمەدا درۆش بازاڕی دەوێت تای لێی وەربگیرێت و سپی نەکرێتەوە، بۆ نمونە ئەگەر سێ کەس بچنە لای یەکتری و هەر یەکە و درۆیەک بکات و لەیەکتری وەربگرن، یەکێکیان دەڵێت: ئەمڕۆ بەپێیان چوومە بەغدا و گەڕامەوە، ئەویتریش دەڵێت: منیش دەریای ئیجەم بە باسکە بڕی و دواینیشیان دەڵێت:بڕکە شفتیەکم چاند توولەکەی لە کۆیەوە گەیشتە شەنگال و دوو شفتی گرت هەردوو ڕووباری زێی گچکە و بادینانی پەنگاندوە، واتە هەر سێ کەس هەستیان لەدرۆی یەکتری ڕاگرت و کەس کەسی بەدرۆ نەخستەوە لە ئیدیۆمی کوردیدا بەگاڵتەوە به و گروپە دەوترێت(درۆ لایان ساغ دەبێتەوە) واتە خۆیان بازاڕی درۆن و لەیەکتری دەکڕن.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 724 mal angesehen