خزمی خەزووری سەپانی شێخیە
له و کوردەوارییەی ئێمەدا هەندێ کەس هەڵدەکەون و دەبنە ئەستێرەیەکی ئاسمان، ئینجا لە هەر بوارێک بێت، بەنمونە: شێخی-پیری ئاینی مەزن و وەچەی(سەیدایەتی) و مەلای گەورە گەورە و زانای داهێنەر و قارەمان و فەرماندە و سەرکردە و....تاد.
لەکۆندا تاوەکو شەستەکانی سەدەی ڕابردوو، کەسایەتی ئاینی ڕێبازگە و ڕێچکەی(قادری و نەقشبەندی) لەبره و دابوو، شێخ لەبەر پایە ئایینیەکەی، پێگەی کۆمەلایەتییەکەشی بەرز بوو، بۆیە خەڵکانێکی زۆر بەشەرەفێکی گەورەیان دەزانی بە(هەویرە خوێیەکیش بێت) بگەنەوە به یا شێخ یان خزمەتکار ومورید و دەروێشی تەکیەکەی یان خانەقاکەی بن، ئینجا ئەگەر کەسێک بەداوە موویەکیش بیگەیشتبوایەتەوە بەشێخ خۆی پێ هەڵدەکێشا، ئەمە لایەنە ڕاستەقینەکەی ئیدیۆمەکەیە، وەک ئیدیۆمیش بەکەسێک دەوترێت کە لەرووی خزمایەتییەوە زۆر دوور بێت لە کەسێکی گەورە و ناودار و دیار و خاوەن پایە، کاتێک خزمایەتیەکەی دەخاتە ڕوو دەزانرێت هیچی ئه و کەسە مەزنە نییە بەتەوس و گاڵتەوە دەوترێت کورەبابە خزمی چی؟ خزمی خەزووری سەپانی شێخیە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,330 mal angesehen
Schreiben Sie Ihren Kommentar zu diesem Artikel!