وەک زیوانی تاڵە
زیوان، ڕوەکێکی زستانییە لەگەڵ دەغل و دان گەشە دەکات ولەپوشپەڕدا تۆوێکی مەیلە و زەردی بۆرباوی شێوەی نزیک لە جۆ و گەنمە، لەدێرزەمانەوە لەگەڵ گەنم و جۆ دەڕوێت و بەئاستەم وەک گژوگیا و قەرسیل جیادەکرێتەوە، وەکو گەنم وجۆش گوڵ دەکات و پڕ دان دەبێت و کاریگەری خراپ دەخاتە سەر بەروبومی دانەوێڵەی گەنم وجۆ ، لەگەڵ داسی سەپاندا هاوشانی لاسکە گەنم و جۆ دەکەوێتە بەرداس و لەگەڵ سوارە و مەڵۆیان تێکەڵ دەبێت دەچێتە ناو گیشە و سەرخەرمان و دوای بە جەنجەڕ کوتانی خەرمان و شەن و کەوکردنی هێشتا لەناو ڕەوسەی سوری خلەوخەرماندا لەگەڵ دەنکە گەنم و جۆ دا دەمێنێتەوە، دوای بژارکردنیشی لەلایەن کابانانەوە و کولاندنی گەنم وەکو دانوڵە لەکاتی خواردنی ئه و دانوڵەیە دەکەوێتە بەرددان و ناو زاران تامێکی تاڵ تێکەڵی ئه و گەنمە شیریینە کاربۆهیدارتییە دەکات، لەکتێبی پیرۆزی(ئینجیل)یش وەکو دوژمنی گەنم ئاماژەی پێدراوە.
بەکەسێک دەوترێت کە بڕکی تاڵ بێت و کاری نابەجێ و ناڕێک و گفتاری ناشیرن و کاری قێزەون و زەق و ناجۆر و ناپەسند و تێکدەرانە و نەشیاو بکەن و دەبنە مایەی نیگەرانی و دڵتەنگی و دڵەڕاوکێی خەڵک به و جۆرەکەسانە دەوترێت(وەک زیوانی تاڵە).[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 851 mal angesehen
Schreiben Sie Ihren Kommentar zu diesem Artikel!