دەزگای پەخش: فام
کاتێ خۆشەویستی نیشتیمان؛ دەبێتە هەوێنی شوڕشێکی مەزن. قینی پەنگخواردووی حەڤدە ساڵە؛ وەکو گڕکان لە سینەی بابلیەکان شەپۆڵدەدات و بەسەر داگیرکەران دادەبارێ. وەختی وابەستەبوون بە خاک؛ گەورەتر دەبێت لە پابەندبوون بە سەرجەم پەیوەندیە کۆمەڵایەتییەکان. ئەوکات، بەخشش لە مردن گەورەتر، خۆشەویستی لە ڕق تیندارتر و خوێن لە شمشێر بەهێزتر دەبێت.
نەبوخوزنەسڕی سێیەم؛ دوای هاتنەوەی لە عەدەمەوە، ڕابەرایەتی بابلیەکان دەکات، بۆ ڕاپەڕینێکی خوێناوی. دواتریش دووجەنگی گەورە لە لێوارەکانی دجلە و فوڕاتدا. لە بەرامبەردا، داریوش؛ بە خۆی و سوپایەکی زەبەلاح، ڕوو لە بابل دەکات، بۆ گێڕانەوەی شکۆی شانشینێکی لێکترازاو!
زازانا، تەنها ڕۆمانێک نییە، باس لە ڕاپەرینێکی کۆنی پێش زایین بکات، بەڵکو لەمیانی کەسایەتی و ڕووداوەکان، وێنایەکی ژیان لە بابل دەخاتەڕوو. پێکهاتەی شارستانی شارەکە، بازاڕەکان، جلوبەرگ، شێوازی ژیان، دادگاکان، زانستی پزیشکی، هونەری بیناسازی، پەرستگاکان، ڕێوڕەسمە ئایینیەکان، کارەکانی پەیوەست بە جادوکا ڕی و ئەستێرەناسی.
کاتێ مرۆڤ بەسەر داگیرکاری، ڕشتەی نەریتی باو، کۆتی کلتوری کۆن، یاسا چەوسێنەر و... تەنانەت خواوەندە هەڵبەستراوەکان یاخی دەبێت. ئەوکات، بە دەستی خۆی قەدەری دەنووسێتەوە. سەرەتاکەش، هەر لە بابل دەبێت!
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 607 mal angesehen
Schreiben Sie Ihren Kommentar zu diesem Artikel!