هاووڵاتییەکی کورد بە ناوی فاتمە کەریمی کچی یەدوڵڵا خەڵکی شاری #ئیلام#. لەلایەن لقی یەکی دادگای ئینقلابی شاری #سەقز# بە سەرۆکایەتی دادوەر جەواد مستەفایی بە شێوەی غیابی بە ساڵێک زیندانی تەعزیری مەحکووم کرا.
دادگا ئەو هاووڵاتییە کوردەی بە تۆمەتی ئەندامبوون لە ڕێکخراوە ئۆپۆزسیۆنەکانی ئێران تۆمەتبار کردووە و ئەو حوکمەش لە ڕۆژانی ڕابردوودا بە فاتمە کەریمی ڕاگەیەندراوە.
ڕۆژی سێشەممە 20ی ڕەزبەر، لقی یەکی دادگای ئینقلابی شاری سەقز بە شێوەی غیابی ئەو حوکمەی بەسەر فاتمە کەریمی سەپاندووە و ناوبراو بەو حوکمە ناڕەزایەتیی دەربڕیوە.
ناوبراو پێشتر ئەندامی یەکێک لە حیزبە کوردییەکانی ئۆپۆزسیۆنی حکوومەتی ئێران بووە و مانگی جۆزەردانی ئەمساڵ لە سنووری بانە گەڕابووەوە ئێران.
فاتمە کەریمی دواتر لەلایەن هێزە ئەمنییەکانەوە دەسبەسەر و پاش لێپرسینەوە، بە دانانی بارمتە ئازادکرابوو.
[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,952 mal angesehen