عەدێ و مەدێ 04
عەدێ گۆتی : مەدێی برام، دەتوو مژدە خۆشەکەی بدە ئەفەندی ! مەدێ گۆتی : وەڵلاهی ڕاست دەکەی، ماخران لەتاو ئەو قسانەی ئەفەندی کە کردی چاوم تاری بوون و لەبیرم نەما ! ئەمن درم خۆشبوو، گۆتم : ئیشاڵلا تەنکەری ئاومان لۆ دەینن و بەسە کۆرانێی دابەش دەکەن، ئاخر ئەمن بەتەمای ئەو چشتەی بووم، چونکە ئەوان بەحسابان لەناو حکومەتی دەستیان دەڕوا، وەکی بەرامبەر ئێک دادەنیشن و باسی چالاکیەکانی حکومەتی دەکەن، سوندو تەراقی دەخۆی و دەرێی حکومەت لە ماری عەدێ و مەدێی دروست کرایە...
گۆتم : ئەی خۆش مژدە بن، ئیشاڵلا تانکەرە ئاوەکی دەینن و لە کۆرانێ دابەشی دەکەن، هەردووک دەو و کەپوویان پێک وەنا و گۆتیان : ئاوی لەکێ بینین کاکە، ئێ دە بڕەکی سەبر بگرن ئەی هاوار، ماشەڵلا ئەو میللەتەی مە تەمبەر و تەوەزەلە، دەیەوێ هەموو چشتی بە سپی کرایی بێتە دەستی، کاکی من ڕێی بوونە دەوڵەتی سەختە و ئاسان نیە، قوربانی دەوێ قوربانی، عەدێ گۆتیە مەدێی : لۆی شەرع مەکە، فایدەی نیە لەگەوانە، نایانەوێ تێبگەن، چاویان بەو ئەزموونەی هەرنایێ، عەزیان لێیە بێگانە عوکمیان بکا. مەدێ گۆتی : وەڵلاهی هەر بیست سی ساری دیە، دەبینی ئەو وراتە چی لێدێ، ئەوجە هەنگی بەبیرت دەینمەوە..! گۆتم : بیست سی سار، لۆ ئەمن بەخۆم چەند سارم مایە، وا خەریکە پار بە شێستی دەدەم، وەڵلا عیزرائیل کوڕی پلکیشم بی هەر پازدە ساری دیم ئیزن دەدا.!
وەلحاسل عەدێ و مەدێ نەیانبڕیەوە و موحازەرەکی سێ چارێگیان لۆ دام و لە ئەی ڕەقیبی ڕا دەستیان پێکرد هەتا ئەوڕۆ، تاریخ و جوغرافیای هەموو دنیایان لۆ من هینا گۆڕێ، لەهەمووش عەنتیەکتر زوو زوو دەیانگۆ : کێشەکە ئەوەیە ئەتوو تێناگەی، با ئەمە بەخۆمان لۆت باس بکەین چونکە تێدەگەین..!
گۆتم : هەونکە مژدەکەم دەدەنێ یان بڕۆم ؟ مەدێ گۆتی : باپێت برێم، ئیشاڵلا عەدێی برام دەبیتە جیرانمان ! گۆتم : جیرانی چ، قاتی لە بێ ئاویان ئەو چەند ڕۆژەی نایێتە گەڕەکی مە، بابە ئەمە بەخۆمان ئاومان نیە ! مەدێ گۆتی : نا نا، بەیەکجاری دەبتە جیرانمان و ماری دەینیتە کۆرانی خۆمان، خانیە ڕوکنەکەی ئەوسەری بەکرێ گرتیە و ئەوڕۆ سبەکی دێتە ناوێ.! لە درێ خۆم وەکی خدر لۆبیا فرۆشی ڕەحمەتی گۆتم : ئەی قوڕت بەسەری خدر، ئەی هەشت بەسەری خدر، ئەوجە خۆت دەبینیەوە، ئەوە عەدێ و مەدێ ئەوسەر و ئەوسەری کۆرانێیان لێگرتی !
مایتی..[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 798 mal angesehen
Schreiben Sie Ihren Kommentar zu diesem Artikel!