شەماڵ ئەحمەد
ژیاننامەی شەماڵ ئەحمەد لەزاری خۆیەوە:
من ناوی تەواوم(شەماڵ محەمەد ئەمین قادر ئیبراهیم)ە، لە ساڵی(1994) لە #کۆیە# لە دایکبووم، لە گەرەکی(گردی)،
پەیمانگا تەکنیکی کۆیەم تەواو کردوە بەشی (کارگیری یاسا)، فۆتۆگرافەرێکی شاری کۆیەم، لە سالی(2005)ەوە
دەستم کردووە بە وێنەگرتن و ئەرشیفکردنی خانووە کەلەپوریی و شوێنەوارە مێژوویەکانی ناو شاری کۆیە و دەمەوێت لەڕێگەی ئەو کارەوە ڕێگری لە فەوتانی ئەو خانوانە بگرم.
هەروەها: ماوەی چەند ساڵێکە کاری فۆتۆگرافەری دەکەم و بە زۆری وێنەی سروشت و کەسایەتی و شوێن دیارەکانی سنوورەکەم گرتووە، بە جۆرێک ئێستا خاوەنی دوو ملیۆن وێنەم لەو بوارەدا، هەموویانم لەلای خۆم ئەرشیف کردووە.
ماوەیەکیشە دەستم کردووە بە وێنەگرتنی خانووە کۆن و کەلەپوور و شوێنەوارییەکانی ناو شاری کۆیە کە بەداخەوە زۆربەیان ڕووخاون و هەندێکیشیان ڕووبەڕووی تێکدان بوونەتەوە، بۆیە دەمەوێت لەڕێگەی ئەو کارەمەوە ئەو خانوانە لە یادی خەڵک بمێنن و ڕێگە لە فەوتانیان بگرم، هاوکات چەند جارێک ئەو وێنانەم هاوپێچی داواکاریم کردووە، بۆ نۆژەنکردنەوە و چاککردنەوە ئاراستەی قایمقامیەت و لایەنی پەیوەندیدارم کردووە، بەڵام بەداخەوە وەک پێویست بەدەم داواکارییەکەمەوە نەهاتوون.[1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,129 mal angesehen
Schreiben Sie Ihren Kommentar zu diesem Artikel!