ئیرەیی
بۆچی هەناسەی ئیرەییت
هەڵدەکێشی هێندە بەجۆش
ئەوەی خوا بەمنی داوە
دوعاکە خوا بیدا بەتۆش ؟!
تۆ هەناسەت هەڵدەکێشی
ڕاوەستاوی بەرامبەرم
چوزانی من بێ کێشەم و
دڵ پڕ شادی و بەختەوەرم ؟!
ئەم زمانە درێژەی دەمت
کورت کەوەو ناوم مەهێنە
لەباتی ناوهێنانی من
دوعای چاکی پێ بخوێنە ؟!
بۆ پێمدا دەتەقیتەوە
هەر وەکو قومبڵەی ئەتۆم
بەس لەبەرئەوەی دەژیم و
نانی ڕەنج کێشی خۆم دەخۆم ؟!
ڕەنگە بەحاڵم بزانی
زوو پەشیمان ببیتەوە
چی هەناسەی لێمی دەگری
هەمووی لەخۆت بگریتەوە؟!
فاتح بێ لان[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 986 mal angesehen
Schreiben Sie Ihren Kommentar zu diesem Artikel!