خەیاڵ خۆشی؟!
پیرەمێردێک هات لام دانیشت
دوای ماوەیەک قسەو گوفتار
ڕووی دەمی تێ کردم و وتی:
پرسیارێک مامۆستای هوشیار؟!
ئەرێ خەیاڵ خۆشی چی یە
گوێ بیستی دەبم جارو بار
زۆرێک بەکاری دەهێنن
خەڵکی ؛ بەتایبەت هەرزەکار؟!
وتم ئێ خاڵە ئاسانە
ماڵت ئاوابێ هەزار جار
چاو بنوقێن وا بزانە
سوار ئەسپیت و دەڕۆی بەغار؟!
وتی حەیف گاڵتە دەکەی
بەپیرێکی وەک من هەژار
وەڵامەکەت نەدامەوە و
لێرە کردمت بە ئەسپ سوار؟!
وتم ئای خاڵە گاڵتەی چی
من خەجاڵەتم و شەرمەزار
حاڵی نەبووی باحاڵیت کەم
وەڵامێ بۆ هەمان پرسیار؟!
خەیاڵ خۆشی ئەوەیە کە
هاوین ببینی بە بەهار
هەرچی دڕک و داڵێک هەیە
لێت ببێتە گوڵ و گوڵزار؟!
فاتح بێ لان[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 655 mal angesehen