فرۆی هەوێن دەکات
ژەک شیرێکی خەستە لەدوای زایینی گیاندارانی وەکو مانگا و مەڕ و بزن و تاد، بۆ ماوەی دوو بۆ سێ ژەم لە گوانیدا دەمێنێت، پڕ ڤیتامین و پڕۆتین و ڕەگەزە سەرەکیەکانە تاوەکو کۆرپەڵە تازە زایەکە زوو بە قومێک یان بەچۆڕێک یان بە ژەمێک هەناوی تێر بکات و پێیەکانی پێی تووندبن و بکەوێتە سەر پێیەکانی خۆی، ئینجا ئەوەی لە کۆرپەکە(گوێرەکە) یان(بەرخ و کاریلە)کە زیادە خاوەنەکەی دەیدۆشێت و لەسەر ئاگر دەیکوڵێنێت دەبێتە(ژەکێکی کوڵاوی توندەوەبوو) بەوە دەوترێت: فرۆ، لە ئیدیۆم و پەند و شیعر و ناولێنانی کچانیش کورد بەکاریهێناوە، بۆ نمونە: کوریکە گاگرۆ، بەهارت هێنا بەدرۆ، نەماست هەیە نەفرۆ، هەروەها عەبدوڵڵا پەشێوی شاعیر دەڵێت: تا ئەوان مابن هەردەبێ بەتەمای فرۆی بەرخە نێر بین)، فرۆ خاسیەتی شیری لەدەستداوە چ بەژەکی چ بەفرۆیی هەوێن ناکرێت و نابێتە ماست، هیچ ئاژەڵدار و مەڕدارێک ئه و کارەی ناکات، ئەوە بووە بە ئیدیۆم و به کەسێکی نەفام و کەودەن و گێڵ و کاڵفام و هیچ نەزان کە کاری نەشیاو بکات و ئەسپ لە قنگەوە لغاو بکات یان کارێک ئەنجام بدات کە لە قووتوی هیچ عەتارێک نەبێت، دەوترێت فرۆی هەوێن دەکات. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 67 mal angesehen
Schreiben Sie Ihren Kommentar zu diesem Artikel!