میتافۆری کەر لە پەندی پێشیناندا
کەر ئاژەڵێکە لە ڕەگەزی وڵاغە بەرزە (ماین)، ئاژەڵێکی ماڵییە، بەڵام جۆرێکی دیکەشی هەیە، کە کێوییە، لە ئاژەڵە شیردەرەکانە، کەر لەمێژوودا، هاوڕێی مرۆڤ بووە و گواستنەوە و کاری قورسی پێکراوە، بە بیچووەکەشی دەگوترێت: جاشک.
سەرەڕای ئەوەی کە کەر لە کۆمەڵگای کوردیدا، هۆکارێکی گرنگی بژێوی بووە، بەڵام لە هەندێک ئیدیۆم و پەند و دەستەواژەدا، زۆرجار واتای نەرێنی و نێگەتیڤی دراوەتە پاڵ، بەواتای خوازراوی بێ هۆشی و کەم عەقلی هاتووە، بۆنمونە:
(ئەگەر هەر کەر کەر بوایە،
هەر کەرێک سەد دیناری ئەکرد!)
لەم پەندەدا، وشەی (کەر)، وەک میتافۆر بەرانبەر بە مرۆڤی بێهۆش و بێ ئاگا و غافل بەکارهاتووە.
بۆی هەیە، ئاژەڵی (کەر)، لە ناو کۆمەڵگایەکی دیکەدا، وەک میتافۆر بۆ بارودۆخی ئەرێنی و ئیجابی، وەک: ئارامگرتن و خاوەنی سەبر و تەحەمول بەکاربێت.
بەهەمان شێوە لە زمانی کوردیشدا، لە هەندێ پەنددا، وشەی (کەر)، واتای ئیجابی و خاوەندارییەتی وەرگرتووە، وەک:
(ئەوەی کەرێکی نەبێت، کەرێک ناهێنێت)[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,312 mal angesehen
Schreiben Sie Ihren Kommentar zu diesem Artikel!