بە هەزار وێر قەرزێک پڕ ناکاتەوه
وێر: پارەدانە لە جیاتی شتێ بۆ کەسێک ، لەناو کەلتوری کوردەواری تا ئەم دواییانەش زۆر باوی بوو، کاتێک یەکێک لە چایخانەیەک یان ساردەمەنیەک، چایەیەک یان شەربەتێکی دەخواردەوە دەستی بۆ باغەڵ و گیرفانی دەبرد تاوەکو پارەکەی بدات، خاوەنی شوێنەکە دەیگووت پارەکەت دراوە، به و پیاوەتیە دەوترا: وێر، لەگەڵ گۆڕانکاری لە سیستەمی ئابوری و بژێوی خەڵک ئه و پیاوەتییەش کاڵبۆوە و بۆیە لە زۆربەی دوکانەکانی خواردنەوە و شیرنەمەنی و تاوەکو هەندێک لە چێشتخانەکانیش لەسەر دیوارەکانیان نوسراوه: تکایە وێر نی یە، قەرزیش: دراو یان کەل وپەل بۆ ماوەیەکی دیاریکراو بدرێت بە کەسێک و دواتر لەماوەی دیاریکراودا دەبێت بدرێتەوە بە خاوەنەکەی، ئه و دوو دیاردەیە(وێر، قەرز) له و ئیدیۆمەدا بەکارهاتوون، هەزارجار پارەی چایەکی هاوڕێیەکت بدەیت لە چایخانەیەک، شوێنی دانەوەی قەرزێکی بۆ پڕناکاتەوە، وەکو ڕێنوێنی و ئامۆژگاری دەوترێت: بە هەزار وێر قەرزێک پڕ ناکاتەوە واتە: هەموو شتێک ڕێ و شوێن و جێگەی خۆی هەیه. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 462 mal angesehen
Schreiben Sie Ihren Kommentar zu diesem Artikel!