دڵ مێشە لەگووش دەنیشێت
مێش یان مەگەز، مێرووەکی باڵدارە، زۆرینەی مێشەکان لە سەر مژینی پاشەڕۆ و خوێن و پیسی و شتی گەنیوو و شیرین دەژین، تەنها مێش هەنگ نەبێت کاری(شیلە) مژینە، ئەوانیتر تا ژینگە پیستر بێت، ئەوان چاکتر لێی دەژین، وەکو: سەر زبڵدان و ئاودەستخانە و شیرنەمەنیە سەر دانەپۆشراوەکان و شوێنە گەنیوو و ئاوەڕۆ و زێرابەکان و ئاژەڵ و گیانداری کەلاک و مردارەوە بوو و...تاد، مێش بە هۆی نیشتنەوەی لەسەر پیسایی ئاژەڵ و مرۆڤ چەندین نەخۆشی وەکو: کۆلێرا و سکچوون و گرانەتا دەگوازێتەوە بۆ مرۆڤەکان، دڵ: ئه و ئەندامە سەرەکیەی مرۆڤە، به هۆیەوە هەست بە خۆشەویستی دەکات، دڵی مرۆڤ بە مێش چوێنراوە کە لەسەر زۆر شت دەنیشیتەوە بەتایبەتە شتە ناشیرین و بێ کەڵک و بۆگەنییەکان، ئەوە بووە بە ئیدیۆم و زۆرجاران وا ڕێکەوتووە کیژێکی جوان دڵی چووە بە کوڕە تیمێکەوە کە زۆر ناشیرینە و هیچ شیرینیەکی تێدا بەدی ناکرێت، بە پێچەوانەشەوە، کوڕێکی جوان دڵی دەچێتە کیژێکەوە کە تیسکن و نابووت و ڕەشکۆکە و قرغ و لاوازکەڵە و بێ تەنگ وتۆژە، بۆ هەردوو حاڵەت لە ئیدیۆمی کوردەواریدا دەوترێت: دڵ مێشە لە گووش دەنیشێت.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 811 mal angesehen