کەس نازیشی هەیە، گازیشی هەیە
کەس وکار، خزمایەتی خوێن، ئه و کەس و کارەی کە باب و برا و مام و برازا و بن عام و خزمی پشتێ دەگرێتەوە، ئەوانە خوێنی یەک کەس لە دەمارەکانیاندا هەیە و بە سیستەمی خێڵ و هۆزگەرایی، هەندێک ماف و ئەرک لە نێوانیاندا هاوبەشە، پاراستنی ئەندامانی خێڵ و ناموس و خوێنگری و شکۆی خانەوادە و بنەماڵە و هۆز و گەورە و بچوکی و داب و نەریت و هەرەوەزی و کۆمەک و بەشداریکردن لە خۆشی و ناخۆشیەکانی یەکتری هەموو ئەوانە ناز و منەتباری لێ دەکەوێتەوە بەرامبەر یەکتری لە ناو کەس و کاردا، لە ڕوویەکیتریشەوە بەهۆی نزیکی لە یەکترییەوە هەندێجار تەماع و چاوتێبرێن لە زەوی و زار و ناوان بەزاندن و ناموس هەتکردن و ملومۆی بۆ کچ و ژن و ڕزق و ڕۆژوو و دەست بەسەراگرتن و بەدەستهێنان و بردنی پلە وپایە و براگەورەیی و خۆفەڕز کردن و سەپاندن و...تاد دەبێتە هۆی گازگرتن و کوشتن و بڕین، هەموو ئەوانە لە نێوان خزم و کەس و کار لە منەتباری و چاوتێبڕینەوە بووە به و ئیدیۆمە جوانە و کورد بەدرکەوە وتویەتی: کەس نازیشی هەیە، گازیشی هەیە واتە: خزم و کەس و کار خراپیشی هەیە و چاکیشی هەیە، پیرەمێردی نەمریش لە چوارینە پەندێکدا ناوەڕۆکی هەمان ئیدیۆم دەخاتەڕوو :
دەڵێن چاکترە کەس لە بێگانە
لە کاتی دەرد و ڕەنج و تەنگانە
بەڵام داخەکەم گەلێ کەس و کار
دەکەونە گیانت وەکو مۆرانه[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 547 mal angesehen
Schreiben Sie Ihren Kommentar zu diesem Artikel!