ماڵی بەفرە کچان، ئاو نییە لە گۆزان
فرە: زۆر و زەوەند، ئێگجار زۆر، پڕ و بێ ژمار، زۆریی و فراوانی و...تاد، زۆر وشەی لێکدراوی لێ پێکهاتووە وەکو(فرە حیزبی و فرە ئاینی و فرە کێخوا و.....تاد)، لێرە فرە کچ، یان فرە کابان واتە: کچ و کابانی زۆر، گۆزەش: دەفرێکی لوولەییە لەلە کۆندا لە قوڕ دروست دەکرا به و دواییانە لە پلاستیک و شوشەش دروستکراوە، بۆ هەڵگرتن و سارد ڕاگرتنی ئاوی کانی و کانیاوان بەکارهاتووە وتراویشە: نە گۆزەی نزیک ئاوان، نەبووکی نزیک باوان واتە: بۆ هەردوو لاخراپە گۆزەکە زۆر ئاوی پێ دەهێنرێت و دەشکێت و بووکەکەش زوو کێشەکانی گەورە دەبن و هەر دەچێتەوە ماڵی باوکی و ئاگای لە ماڵی خۆی نابێت، ئەوە ئیدیۆمەی(ماڵی بە فرە کچان، ئاو نییە لە گۆزان) واتە: ماڵی زۆرکابان، چێشتیان یان سوێرە یان بێ خوێ یە، دێی فرە کێخوا و ئاغاش بۆی وتراوە: من ئاغا و تۆ ئاغا ئەی کێ جێمان بۆ ڕاخا؟ ماڵی زۆر کەیبانوو و پڕ کیژیش کەس ناچێتە سەرئاو(سراو) بۆ ئاوهێنان، بۆیە ئه و لەبەر ئەم و ئەم لەبەر ئه و گۆزەیان دایمە بە بەتاڵی دەمێنێتەوە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 961 mal angesehen
Schreiben Sie Ihren Kommentar zu diesem Artikel!