دەقی ڕاگەیەندراوەکەی کەجەکە:
بەڕێز کاک عومەری سەید عەلی، ڕێکخەری گشتی بزووتنەوەی گۆڕان،
بەڕێزان ئەندامانی خانەی ڕاپەڕاندن و جڤاتی نیشتمانی بزووتنەوەی گۆڕان،
بنەماڵەی بەڕێزی ڕەوانشاد نەوشیروان مستەفا
لە پێنجەمین ساڵیادی کۆچی دوایی سەرکردە و پێشەنگی دیاری گەلەکەمان، ڕەوانشاد نەوشیروان مستەفا، سەری ڕێز و نەوازش بۆ یادی ئەم تێکۆشەر و ڕۆشنبیرە مەزنەی گەلەکەمان دادەنەوێنین و پرسە و سەرەخۆشی خۆمان ئاراستەی ئێوەی بەڕێز دەکەین.
رەوانشاد نەوشیروان مستەفا بە نیو سەدە خەبات و تێکۆشان لە پێناو ئازادی، دیموکراسی، مافی نەتەوایەتی و دادی کۆمەڵایەتی دا شوێن پەنجەی لە هەموو دەسکەوتە نەتەوەیی و دیموکراسی و یاساییەکانی باشوری کوردستاندا دیارە. هەروەها داکۆکیکارێکی مەزن بووە لە مافی گەلی کورد هەموو بەشەکانی کوردستان.
رەوانشاد نەوشیروان مستەفا لە بەرامبەر تەسلیمیەت و خۆبەدەستەوەدان هێمای شۆڕشی نوێیە، لە بەرامبەرستەم و چەوسانەوە هێمای ڕاپەڕین و خۆڕاگرییە و لە بەرامبەر نایەکسانی و نادادپەروەی هێمای دادپەروەری و خەباتی مەدەنی و دیموکراسییە.
ئێستاش کە کوردستان بە گشتی و هەرێمی کوردستان بە تایبەتی کەوتۆتە بەر شاڵاوی داگیرکاری و بەکرێگیراوی، لە هەموو کاتێک زیاتر پێویستی بەوە هەیە کە بە هێز وەرگرتن لە گیانی شۆڕشگێڕی و ئیرادەی خۆڕاگری کاک نەوشیروان بتوانین پارێزگاری لە هەبوون و ئازادی و دەسکەوتەکانمان بکەین.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,337 mal angesehen
Schreiben Sie Ihren Kommentar zu diesem Artikel!