ناو: عومەر
ناوی باوک: حوسێن مەحمود
نازناو: عومەر گاوەرەیی
عومەر گاوەرەیی- حەیران بێژ
نوسینی: #خالید عومەر عوسما#ن
ناوی تەواوی (عومەر حوسێن مەحمود) ە، ساڵی 1907 لە گوندی (سێبیرانی گەورە) سەر بە ناوچەی ب#ەڕانەتی# لەدایک بووە، لە هۆزی (سارەیی) یە، هەر لە سەرەتای لاوێتیەوە خولیای حەیران و مەقامی دروێنە و ساوار کوتانەوە و بەیت و مەقامی شایی و هەڵپەرکێ دەبێ، لە سەرەتادا لە تەمەنی (15) ساڵیدا فێرە حەیران ووتن بووە لەسەر دەستی خاڵی (رەسوڵ ئاسک) و سوودی لە حەیران بێژان (حەمەد بەگی- مەحمودی سەید بەسێ- حەسەن حەیران) وەرگرتووە، ساڵی 1937 ژنی هێناوە و شەش کوڕ بەناوی (ئیسماعیل- عوسمان- خەلیل- جەوهەر- زایەر- زیاد) هەروەها چوار کچ بەناوی (گوڵخاتر- خەیار- خەزار- خانم) ی هەیە، لە حەیران بێژان (حەمەد بۆشناغ- حەمەد بەگی- خدر حەیران- عوسمان حەیران- حەسەن حەیران) کاریان لێکردووە، مام عومەر ئیشارەتی بەوەداوە کە سێ کاتدا حەیران دەگوترا (کاتی ڕووداوی چۆک شکێن و جەرگ بڕی مردن- ئەم جۆرە حەیرانە بەردەوام لە سکاڵاو غەریبی دەدوێ) (لە داوەتی شایی و بووک گواستنەوە و کۆبونەوە و برا گەورانی گوند لەبن ڕەشماڵ و چیغان- کە ناوەڕۆکی حەیرانەکان بریتی بوو لە دڵداری و عەشق و خۆشەویستی و جیهانی پاکی کۆتایی نەهاتوو) (یان لە شەوانی زستانی دوور و درێژ وەک گەردانە خەڵک دەکەوتنە چوار دەوری سۆبە و ئاگردان بۆ شەوچەرە و کات بەسەر بردن حەیرانیان دەگوت، مام عومەر لە ژیانیدا ئەم گوندانە گەڕاوە وەک (سێبیرانی گەورە- بنەسڵاوەی گەورە- پیر ڕەش- گاوەرە- بەحرکە- پونگینە)، لە ساڵی 1957ەوە هاتۆتە هەولێر، بۆ بژێوی ژیانی ئەم ئیشانەی کردووە (سەپانی- جوتیاری- نۆبەتداری- کرێکاری قوڕکاری)، دوا نیشتەجێ بوونی لە گەڕەکی (سەیداوە) ی شاری هەولێر بووە، ساڵی 1989 کۆچی دوایی کردووە.
سوودم وەرگرتووە لە کتێبی (سەربردەی کۆمەڵە حەیران بێژێکی کورد)[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 471 mal angesehen