بارزان، ڕەمەزان زەکەریا:
پرسا ژینگەهێ ل دەڤەرا بارزان گرنگیەکا زۆر باش پێ هاتیە دان ژلایێ وەلاتیان و بەرپرسێن ژینگەهێ و ئەو گەشتیارێن سەرەدانا دەڤەرا بارزان دکەن، ژینگە پارێزیا بارزان پتر ژ چەرخەکێ هەیە و ڕۆژ ب ڕۆژێ گەشە دکەت و ژینگە پارێزیا بارزان بۆیە ژێدەرێ ژینگەها کوردستانێ.
تاهر سالح، سەرۆکێ ڕێکخراوا گول و سروشت بۆ ئەڤرۆ گۆت: پرسا ژینگەهێ ل دەڤەرا بارزان مێژوویەکا گەلەک زۆر هەیە بۆ چەندین سالان بەری نوکە زڤریتەڤە و هەتا نوکە وەک خۆمایە و وەلاتی وەسا هاتینە پەروەردەکرن زیان گەهاندن ب ژینگەهێ کارەکێ خراب و دوورە ژ بنەمایێن مرۆڤایەتیێ، لەورا ژی سال بۆ سالێ ژینگەها بارزان یا گەشە دکەت ل دەڤەرا بارزان کەس سەر پێچیا ڕێنمایێن ژینگەهێ ناکەت و بارزان نە ب تنێ ل کوردستانێ نمونەیا ژینگە پارێزیێی یە، بەلکۆ ل دەڤەرێ هەموویێ بارزان پێشەنگە ل پاراستنا ژینگەهێ.
شەوان بازرانی، سەرۆکێ ڕێکخراوا هەناسە بۆ پاراستنا ژینگەهێ بۆ ئەڤرۆ گۆت: ئەم ژینگە پارێزین، ژ بەر کو هەست ب بەرپرسیاریەتی دکەین بەرامبەر ژینگەهێ، پێدڤیە هەموو کەسەک ژینگە دوست و ژینگە پارێزبیت، ل هەموو بوارەکێ ڤە ژینگەهێ بەردەوام پێدڤی ب پاراستنێ هەیە وەک ڕووەکێن سروشتی و دارو ئاژەلان، ژینگە پارێزیا بارزان ل سەر دەمێ باب و باپیران بۆ مە مایە ڤە و دوژمنێن گەلێ کورد گەلەک بزاڤ کرینە بۆ تێکدانا ژینگەها کوردستانێ ب گشتی و بارزان ب تایبەتی، بەلێ دلسوزیا وەلاتیان ڕێنمایێن پاراستنا ژینگەهێ بووینە ئەگەر ژینگەه سەر ژ نوو ساخ ببیتەڤە و پاراستنا ژینگەهێ ئەرکێ هەموو تاکەکی یە، نابیت کەس دژی ژینگەهێ بیت، بەلکۆ پێدڤیە ئەم هەموو دوستێن ژینگەهێ بین.
حەسەن دولەمەری، بەرپرسێ بەتەلیونا ژینگەها مێرگەسۆر بۆ ئەڤرۆ گۆت: دروستبوونا کلتۆرێ ژینگەپارێزیا ل سەر دەمێ شێخێن بارزان دروستبوویە و هەتا نوکە مایەڤە و بۆیە کلتۆرەکێ جوان، ل سەر دەمێ شێخ عەبدولسەم بارزانی ژینگەه و ژینگە پارێزی ژینگە دوستی هەبووە هەتا گەهشتیە شێخ ئەحمەد بارزانی بەردەوامە هەتا نوکە کۆ چەند ڕێنمایی دەرچوونە بۆ پاراستنا ژینگەهێ.
گۆت ژی: پێگریا خەلکی وەکریە 70% ئەرکێ مە وەک ژینگە سڤک کریە، ژبەر پێگیریا وەلاتیان ب پاراستنا ژینگەهێ، هەر کەسەک سەرەدانا بارزان ژی بکەت ب هەر ڕێیەکا بیت هەستێ ژینگە پارێزیێ و پاقژ ڕاگرتنا ژینگەهێ بۆ دروست دبیت، ژ بەر کۆ ژینگەها بارزان نموونەیەکا گەلەک جوانە.
ناڤبری ئاشکرا کر: کوشتنا هەموو جۆرە ئاژەلەکێ کیڤی ل دەڤەرا بارزان قەدەغەیە، هەر کەسەکێ سەرپێچیێ بکەت ل گور یاسایێ هێتە سزادان، پاراستنا ژینگەهێ ئەرکێ مەیە و پێدڤیە ڕاگەهاندن پتر ڕۆلێ خوە ببینیت پاراستنا ژینگەهێ هشیار کرنەڤەیا خەلکی، پاراستنا ژینگەهێ ب تنێ نەبرینا داران و کوشتنا ئاژەلان نینە، پیسکرنا ژینگەهێ مەترسیەکا زۆر جدیە و پێدڤیە ئەم هەموو کار بکەین بۆ پاراستنا ژینگەهێ.[1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 1,151 mal angesehen
Schreiben Sie Ihren Kommentar zu diesem Artikel!