Navê pirtûkê: Dengê Bakur: Bi Wêjeya Devkî ya Zarokan Amadekariyên Perwerdeya Pêşdibistanê.
Navê nivîskar: Ferîdûn BÎRGUL
Cihê çapkirina pirtûkê: DIYARBEKIR
Navê çapxaneyê: DÎSA, ENSTÎTUYA DIYARBEKIRÊ BO LÊKOLÎNÊN SIYASÎ Û CIVAKÎ
Sala çapê: 2015
Civakeke ku di bin şert û mercên azad de bi zimanê xwe jiyana xwe bidomîne, bi çand û dîroka xwe bijî, mafê perwerdeya xwe ya xwezayî bikar bîne, ew civak dê çanda xwe ya devkî wek çavkaniyekê bibîne û wê ji hêla civakîbûyînê ve pêşketinên mezin derxe holê. Heman civak ji ber zordariya hêzên serdest zimanekî din bikar bîne, dê ji xwezaya xwe, dîroka xwe, çand û zimanê xwe dûr bikeve û bibe xwediya kêmasiyan. Rewşa civaka kurd bi vî awayî ye. Civaka kurd, xwedî çand, dîrok, xweza û zimanekî dewlemend e, ji ber zextên dewletên desthilatdar hatiye astengkirin. Li ser vî bingehî çand, dîrok û zimanê gelê kurd nebûye xwedî derfet ku xwe bi awayê niviskî bigihîne nifşên nû. Civaka kurd bi rêya dengbêj, çîrokbêj û stranbêjan bi awayê devkî çand û dîroka xwe parastiye û gihîştiye roja îro. Di encama vê yekê de çanda devkî bi pêş ketiye. Ev lêkolîn bi armanca berhevkirin, tomarkirin û arşîvkirina zargotina kurdî, di navbera Hezîran û Îlona 2014an de li pênc herêmên Bakurê Kurdistanê, bi tevahî di nava 78 rojan de, li 14 bajar, 32 navçe, 2 bajarok û 76 gundan hate kirin û bi 854 kesan re hevdîtin pêk hat. Ev lêkolîn ji hêla erdnîgariya Bakurê Kurdistanê ve xebateke berfireh e. Li gel vê berfirehbûnê armanca vê xebatê ev e ku materyalên berhevkirî, li gorî pedagojiyê bên amadekirin û di encamê de bibin materyalên perwerdeya pêşdibistanê.
[1]
Lesen Sie das Buch: Dengê Bakur
Gesamt Download
223 Wir bitten alle Autoren, Übersetzer und Verleger sich mit uns in Verbindung zu setzen, falls Ihre Bücher nicht in Ihrem Einvernehmen heruntergeladen wurden.
Dieser Artikel wurde in (Kurmancî - Upper Kurdish (Latin)) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
Ev babet bi zimana (Kurmancî - Upper Kurdish (Latin)) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
Dieser Artikel wurde bereits 769 mal angesehen
Schreiben Sie Ihren Kommentar zu diesem Artikel!