بێ لەبێ لەعلێ مەلا مە ژ مەیا ئال چ حەز
سوحبەتا تێ نەبتن یار ب هەر حال چ حەز؟
قەدەحەک بادە ب دەستێ خوە ل قەلبێ مە بڕێژ
عاشقێ سوختە بێ ئاتەشێ سەییال چ حەز؟
نەکو وەک تەیر ژ موژێن تە ببارن پەیکان
ژ برینێن د دلی شوبهەتی غربال چ حەز؟
حەز و لەززەت مە ب عومرێ خوە د عشقا تە نەدی
هەم ب ڤان دەرد و غەمان زێدە تو ئیسال چ حەز؟
حوسن و سوڕ کو تونەیین جەزبە ل دل دت مەحبووب
مە ژ زولف و خەت و خال و قەدێ مەییال چ حەز؟
علمێ عشقێ بوت و لاتان ب ڕوایەت نابتن
قەدرەک حال کو نەبت شوبهەتی هەر قال چ حەز؟
بەدەوی پاک چ کت فوسحەتێ مەیدان کو نەبت
موستەمع گوه نەدرت موترب و قەووال چ حەز؟
دوڕێ ناسوفتە دڕێژم ژ لەبێ لەعل مەلێ
گەر ڕەوانبەخش نەبت نەزمێ کەڕ و لال چ حەز؟
#مەلای جزیری# [1]