| Teilen Sie | |
| Facebook | 0 |
| Twitter | 0 |
| Telegram | 0 |
| LinkedIn | 0 |
| WhatsApp | 0 |
| Viber | 0 |
| SMS | 0 |
| Facebook Messenger | 0 |
| E-Mail | 0 |
| Copy Link | 0 |
| Rangliste Artikel |
|
| Ausgezeichnet |
| Sehr gut |
| Durchschnitt |
| Nicht schlecht |
| Schlecht |
|
 کوردیی ناوەڕاست | 0 |
| Kurmancî - Kurdîy Serû | 0 |
 English | 0 |
 عربي | 0 |
 فارسی | 0 |
 Türkçe | 0 |
 עברית | 0 |
 Deutsch | 0 |
 Español | 0 |
 Française | 0 |
 Italiano | 0 |
 Nederlands | 0 |
 Svenska | 0 |
 Ελληνική | 0 |
 Azərbaycanca | 0 |
 Fins | 0 |
 Norsk | 0 |
 Pусский | 0 |
 Հայերեն | 0 |
 中国的 | 0 |
 日本人 | 0 |
بولبول دبێ ئاوازان
خراب جارەک خویاکر
بەس بکە شعر و سازان
ئاتەش ل من تە ڕاکر
چەند ددی فڕ و بازان
ژ تەڕا نینن چو ئاگر
ژ تەڕا نینن چو پێتە
چەوا تو پوڕ عەزابی
دائم دەنگێ تە تێتە
ساعەتەک هێدی نابی
موقیم تە یەک دڤێتە
کفشە تو حال خرابی
ئەز دێ چما هێدی بم
ئەم پوڕ دبین بهاران
مەجروحەک بێ تەبیبم
د ناڤ لەیل و نەهاران
ژ دۆستا خوە خەریبم
زێدە ژ عشقا یاران
کەسێ کو گرتی یارە
ب دل یەکێ د حەبینی
ئێدی نائێ قەرارە
دێ دائما بخوینی
خیال و خەم دیدارە
دڤێ کەنگی ببینی
کەسێ کو ب عشق و موحبەت
ب دل یەکێ پەرستی
دائم دێ بێتە خدمەت
ب ڕاستی و دروستی
«مقیم» دێ چاڤ ل ڕێ بەت
لەو شەڤ و ڕۆژ نا وەستی
ئەر ب شەڤ، ئەر ب ڕۆژم
ئەز مورغێ ناڤ هزارە
ب دل خوە شوبهێ دۆژم
تێک بوومە پێت و نارە
ژ حوبا گولان د سۆژم
لەو من نائێ قرارە
فەقی ژ بلبل ڕا گوهتی
تو ژ وێ سڕێ چ زانی
ئەوا تو ژ پێشڤە سوهتی
فدا بکە تو جانی
ئەو غەزەلا تە پوهتی
تەوحیدە بێ مەعانی
تەوحیدە علمێ حالە
عارف دکن تەفسیری
مرادەک وی ل بالە
ب «من لدن» خەبیری
نزام تە کی خیالە
تو ب کیژانی دلگیری
بلبل دبێ بزارە
داغا د دل ڕەهستن
کامل بوویە بهارە
ئاهەک ژ گول ڕا هستن
بشکفتی بەلگێ دارە
حەرام بوویە نڤستن
نڤستن ل من حەرامن
دائم د غولغولم ئەز
ژ وەردان حال گەها من
ب ئسمێ بلبلم ئەز
ئەڤینی گاف و لامن
(مقیم) کو دل کولم ئەز
سەردارێ دل کولانم
ژ ئێش و ژان و داغان
ل تەرحێ سونبلانم
د خوونم لەو د باغان
عاشقێ سۆرگولانم
دێ لێ بگرم قشلاغان
«فەقی» گۆ بلبل تازە
تو بلبلەک سەودائی
عشقا گولێ مەجازە
تو یارەک بێ وەفائی
دۆستێ ئەبەد بخازە
دا لێ نەبت فەنائی
عشقا مەجاز تو تەرکە
ئەو سڕ و دین بەتال بوون
تو یارەکێ هەدەرکە
ل من بێ علم و غەیب بوون
جارەک ل وی نەزەرکە
ئەبەد هەیە هەر هەبوون
عشقا مەجاز هلینە
ئەڤ ڕەنگ دبێ بەتال بت
تو بەس وەها بخوینە
تە بەر ب زی جەلال بت
دۆستەک ئەبەد ببینە
دائیمێ بێ زەوال بت
بولبول دیسا خەبەردا
قسمەت جارا ئەوەل بوو
عاشق بوومە ل وەردا
مەعشوقا من سورگول بوو
دکێشم ژان و دەردا
لەو من برین د کول بوو
ژ وەردان ئەز ب ئێشم
د غافلم سەحەرگاه
مولازمان مەی کێشم
گشت ئەغلەبان دەرین ماه
دائم ئەز وێ ل پێشم
د خوونم گاه و بێ گاه
فەقی وەگۆتە بلبل
مورغێ فەهم بەعیدە
تە زوو ب دەردا عاقل
خیال نائێ تەوحیدە
پادیشاهێ کولومل
تو موحبەتێ ب وی دە
هەر کەسێ ئەو نەناسی
مایە د غەفلەتێدا
دگەل کۆر و قیاسی
ئەبەد د زولمەتێدا
«فيؤخذ بالنواصي»
مەلوولە د حیرەتێدا
یا حەق تو فعلان چێکە
مە دوورکە ژ عاسییاتان
شەفقێ ل میم و حێ کە
ب لوتف و هەم ب ئحسان
ئاڤا ڕەحمێ تو لێکە
لەوڕا کو تویی غوفران
ئەم دێ بچین ژ ئۆلداشە
ناڤێ مە دێ بمینە
عومرێ مە چوو بەلاشە
چو فەیدە مە نەدینە
گەر قەولێ مە ببێژی
فاتحێ ژ بۆ مە بخوینە
#فەقی تەیران# [1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 463 mal angesehen
HashTag
Das Copyright wurde vom Eigentümer des Artikels auf Kurdipedia übertragen
Hinzugefügt von (
ڕۆژگار کەرکووکی
) am
03-10-2022 Dieser Artikel wurde überprüft und veröffentlicht von (
زریان سەرچناری
) auf
03-10-2022 URL
Dieser Artikel ist gemäss Kurdipedia noch nicht finalisiert
Dieser Artikel wurde bereits 463 mal angesehen