ئەللاه چ زاتەک ئەحسەنە
زێدە لەتیف و قادری
مەخلوق هەمی نەخشێ تەنە
ڤێکرا ل هەمیان فەکری
حەمد و سەنا لائق وەنە
ئێ عەرشێ ئەعزەم چێکری
عەرشێ عەزیمێ ئەکبەرە
زینەت و ڕازا مەرکەزی
ئەو کورسیا حەق ل سەرە
بێ شەمس و گەردۆن د بەزی
حەق واحدە ، وترە ، فەرە
بێ نەومە باغڤانێ ڕەزی
باغێ کو باغڤان بێتە بەر
ئەرزەک هەیە ئەو لێ نەبی
دارا کو عەنقا بێتە سەر
بەلگەک هەیە سه لێ نەبی
کی ژ نیعمەتێ دێ دت خەبەر
یارەب دەرێ فەیزێ ڤەبی
سەرچەشمەیا فەیزێ چییە؟
هاتە لسانێ عارفان
ئەو نوورەکا ئەسمانییە
داڕێتە قەلبێ خائفان
ژێ شەمعەیەک دا «مکسی»یە
لەو بووم نەدیمێ تائفان
لەو بووم حەریف، لەو بووم نەدیم
من عشقەکا دژوار هەیە
کووڤی کرم سەرفا عەزیم
من هێژ مەیا پێرار هەیە
مننەت ژ ڕەحمانێ ڕەحیم
من میرەکێ ستتار هەیە
ئەو میر کەریمە ، ساترە
خوەش حاکمە دبارێ خوەدا
خەلقنۆ نە دوورە ، حازرە
ئەو واحدە و بێ ئیبتیدا
هەرچی بکت ئەو قادرە
ئەو خالقێ بێ باب و دا
خەلقنۆ ژ کێڕا ئەڤ قسە
دا حەق ب عورفێ ناس بکی
ئەر دێ بزانی ئەڤ بەسە
فەرخوندەیە نە ژ فەرخەکی
ئەو یەک ژ عامێڕا بەسە
نەه چەرخ د نێڤا چەرخەکی
چەرخێ د نێڤ چەرخا ئەزم
روح و ڕەوانا من تویی
ئەز هشکەدارم نا ڕزم
خەمل و ڕحانا من تویی
بێی تە نەشێم گاڤەک بەزم
خانم مرادا من تویی
بێ تە مرارم، مەیتم
قەلبم ژ سوڕ میرئاتەیە
ئەز گەشتیێ نا تەبتم
فەخرا قلوبان تە هەیە
خەلقنۆ ب فورقان و خەتم
هەر چی دبێژم هەر وەیە
ما ئەز دبێم ڤێ گۆتنێ
بێی تە زبان بێ گۆتنە
ئەو قال و قیلێ د دنێ
زاهر و باتن ساکنە
بوون و میقاتا مرنێ
ئەو ژ بال تەنە ، نە ژ بال منە
من حەول نەهن ، قوەت نەهن
روح ژ تەیە ، دین ژ تەیە
من زەهر و ئەزمان نا ڤەبن
دەنگ ژ تەیە ، سەوت ژ تەیە
ئاواز ژ کەونا قودرەتن
دەست ژ تەیە ، چەنگ ژ تەیە
ئەو چەنگ چییە ڕۆژا ئەوەل
چەنگ و لیسان ژی چێکری
دەنگ تێت ژ سازێ پڕ عەمەل
تەمبوور تراش و کون کری
عشق و ئەڤین دارێتە دل
حوببا د نیڤێ چێکری
حوب ڕێتی جانێ بەشەرە
سەودا ژ مەژیێ وی فڕی
گۆیینێ نێڤ دار و بەرە
بێ سووچ قەت نا کت گری
عشق و ئەڤینا قەمەرە
نەتق و لسانێ ژێ بڕی
دەنگ ژ دەفا جانێ مەتێ
کردن نەفیر و نایەکی
سانع ب حەرفێ پف کەتێ
هەر زەهرەکی ، ب ئاوازەکی
سوبحان ژ شاهێ قودرەتێ
هەر جانەکی و ئەبدانەکی
کەلامەکێ موتلەق دبێن
بو ڕوح ل هەر حەیوانەکی
تەسبیحەکا ڕەونەق دبێن
هەر خەلقەکی ، ب ئەزمانەکی
حەمد و سەنایا حەق دبێن
- - - - - -انەکی
حەمد و سەنا حەققە ل مە
بێ حەدد و بێ قیاس بکن
زکر و عبادەت لازمە
جوهدا تەریقا ڕاس بکن
رۆژا قیامەت قائمە
تاعەتەک پڕ ئەساس بکن
تاعەت بکە ، ڕێ دووری تو
هەرچی د مەکتوبا مەدا
ب کاغەز و کیس و مووری تو
«یا من بدا ، فیمن بدا»
جانێ د کۆبا سۆری تو
رۆهنییا سەمع و بەسەردا
جانێ د ناڤێ نەفسییە
ڤێکرا هەمی بو بەشەری
ماکا وجودان فانییە
ئەر دێ بزانی ڤی دەری
ئەسلێ ڕوحا مە باقییە
لەو ژێ نەداکن خاوەری
دێ بچینە نیڤا ئاخەکێ
پەردا تورابێ تارییە
فەقی دێ ڕاکت ڕاهەکێ
ب مەهدەرا وی بارییە
بۆ چاک و پارسا ب جارەکێ
ل جەننەت بکن سەردارییە
#فەقێ تەیران# [1]
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 555 mal angesehen