سەرکردایەتی #یەکێتیی نیشتمانیی کوردستان#، داوای ڕوونکردنەوەیان لە #بافڵ تاڵەبانی# سەرۆکی حیزبەکە کردووە، ئەوەش لەبارەی گفتوگۆکانیان لەگەڵ #پارتی دیموکراتی کوردستان#
بەپێی ئەو زانیارییانەی تایبەت دەست بوار کەوتووە، لە دواین کۆبوونەوەی سەرکردایەتی یەکێتی، چەند ئەندامێکی سەرکردایەتی یەکێتی داوای ڕوونکردنەوەیان لە بافڵ تاڵەبانی لەبارەی گفتوگۆکان لەگەڵ پارتی کردووە.
هەر بەپێی زانیارییەکان، داواکاری ئەو ئەندامانەی سەرکردایەتی یەکێتی پەیوەندی بە گومانیان هەبووە لەسەر گفتوگۆکانی نێوان حیزبەکەیان و پارتی دیموکرات.
بوار زانیویەتی، ئەو ئەندامانەی سەرکردایەتی یەکێتی داواشیان کردووە، گفتوگۆکان و ئەنجامەکانی بکرێتە ڕاپۆرت و بخرێتە بەردەم سەرکردایەتی، بۆ ئەوەی زانیارییان لەبارەوە هەبێت.
زانیارییەکان باس لەوەش دەکەن، لە کۆبوونەوەکە، بافڵ تاڵەبانی هیچ ڕوونکردنەوەیەک و زانیارییەکی لەبارەی گفتوگۆکانی پارتی و یەکێتی نەداوە و تەنیا وتوویەتی، دەیانەوێت کۆتایی بە کێشەکانی نێوانیان بهێنن، بۆ ئەوەش هێشتا لە گفتوگۆدان و نەگەیشتوون بە هیچ ئەنجام و ڕێککەوتنێک. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 658 mal angesehen
Schreiben Sie Ihren Kommentar zu diesem Artikel!