سەرۆکایەتیی زانکۆی ئەلبێرتا لە کەنەدا بڕوانامەی دکتۆرای فەخری لە یاسا بە نووسەر و شاعیری ناوداری کورد #جەلال بەرزنجی# دەبەخشێتت.
دوێنێ هەینی 14/10/2022، سەرۆکایەتیی زانکۆی ئەلبێرتا، لە ڕاگەیاندراوێکدا بڵاویکردەوە، زانکۆکەیان بڕوانامەی دکتۆرای فەخری لە یاسا بە نووسەر و شاعیری ناوداری کورد جەلال بەرزنجی دەبەخشێتت.
ئەم دکتۆرایە کە گەورەترین خەڵات و پلەی ڕێزلێنانی ئەم زانکۆیەیە دەیبەخشێتە ئەوانەی بەرهەم و کەسایەتی و بۆچوونەکانیان کاریگەریی نێودەوڵەتییان هەیە، پێشتر بە هەر یەک لە (نێلسۆن ماندێلا، دەلای لاما، دیڤد سوزوکی)ی بەخشیوە، بۆیە بەخشینی بڕوانامەیەکی فەخری و ڕێزلێنانێکی وا گەورە لە نووسەرێکی کورد، کە هەموو ژیانی خۆی بۆ نووسینەوەی خەمی مرۆڤایەتی و کورد و ئازادی تەرخان کردووە و لە ڕێگای نووسینەکانی بە زمانی ئینگلیزی بووەتە ئایکۆنێکی جیهانیی، جێی شانازییە.
بڕیارە ڕۆژی چوارشەممە 23/11/2022، لە هۆڵی جبولی و لە ڕێوڕەسمێکی شایستە و ئاهەنگێکی گەورەدا، پلەکە بە فەرمی ببەخشرێتە (بەرزنجی) و ئەویش لەمەڕ ڕێزلێنانەکە و ئەزموونی نووسینی خۆی، وتارێک پێشکەشی دەرچوانی ماستەر و دکتۆرای زانکۆکە بکات.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,075 mal angesehen