بە بۆنەی هاتنەوەی سەری ساڵی نوێی زایینی، گەرمترین پیرۆزبایی لەسەرجەم کوردستانییانی ئازیز لەسەر تاسەری جیهان دەکەین و، پیرۆزبایی تایبەتمان ئاڕاستەی خانەوادەی بەڕێز و سەربەرزی شەهیدان و هێزی پێشمەرگەی کوردستان و سەرجەم کادیر و ئەندام و لایەنگرانی پارتیمان و جەماوەری دڵسۆزی گەلەکەمان دەکەین.
هەل و مەرجی سیاسیی ئێڕاق پاش پێکهێنانی کابینەی نوێ دەچێتە قۆناغێکی نوێوە، ئەو قۆناغەش پێویستی بە یەکڕیزی و یەک گووتاریی سیاسیی حزب و هێزە لایەنە سیاسییەکانی کوردستان هەیە، کە ئەجێندایەکی تێر و تەسەل لەخۆ بگرێ بۆ دانووستان و گفتوگۆ لەگەڵ #بەغدا# بۆ چارەسەرکردنی یەکجارەکیی کێشە و پرسە هەڵواسراوە درێژخایەنەکان، بەجۆرێک کە لە خزمەتی دۆز و مافە ڕەواکانی گەلی کوردستاندا بێت، لەوانەش جێبەجێکردنی ماددەی (140)ی دەستوور و دابینکردنی شایستە داراییەکان و چەسپاندنی بەشە بوودجەی هەرێمی کوردستان بە پێی ئیستیحقاقی دەستووریی.
بە بۆنەی هاتنی سەری ساڵی (2023)ی زایینییەوە جارێکی دیکە بەڵێن بۆ گەلەکەمان نوێ دەکەینەوە، کە وەک هەمیشە لە ئاست خواست و ویستی گەلە خۆڕاگر و سەربەرزەکەمان بین و سووربین لەسەر پتەوکردنی سەقامگیری و ئاسوودەیی و دابینکردنی خۆشگوزەرانی و باشترکردنی بژێوی هاووڵاتیان و برەودان بە فەرهەنگی نەتەوەییمان و ڕەوتی ئاشتەوایی و گیانی فرە ڕەنگی و، پاراستنی دەستکەوتەکانمان و قەوارە سیاسی و یاساییەکەی هەرێمی کوردستان.
هیوادارین ساڵی نوێ، ساڵی بنبڕکردنی کێشە و گرفت و ئاریشە و دەردەسەرییەکان بێت.. ساڵێکی بە هات و هیوابەخش بێت بۆ گەلەکەمان و، هەموو لایەک لە دەرد و بەڵا و ناخۆشی بەدوور بن. [1]
مەکتەبی سیاسیی
#پارتی دیموکراتی کوردستان#
31ی12ی2022
تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 523 mal angesehen
Schreiben Sie Ihren Kommentar zu diesem Artikel!