بەناوی خودای بەخشندە و میهرەبان
بە بۆنەی سەری ساڵی تازەی زایینی گەرمترین پیرۆزبایی لە هاووڵاتیانی خۆشەویستی کوردستان دەکەم. پیرۆزبایی لە خانەوادەی سەربەرزی شەهیدان و پێشمەرگە قارەمانەکان دەکەم و هیوای خێر و خۆشی بۆ هەموو لایەک دەخوازم.
ئەو بۆنەیە بە دەرفەت دەزانم کە جەخت لە پەیامی ئاشتیخوازانە و فەرهەنگی پێکەوە ژیانی گەلی کوردستان بکەمەوە. گەلی کوردستان هەردەم بڕوای بە ئاشتی و برایەتی بووە و خوازیاری ئەوەیە کێشە و گرفتەکانی لە ڕێگەی دیالۆگ و بە زمانی لەیەک تێگەیشتن و دوورکەوتنەوە لە دەمارگیری و نکۆڵیکاری چارەسەر بکرێت.
لەبارەی پڕۆسەی سیاسیی ئێڕاقیش پێمان وایە ئێستا هەلێکی تازە بۆ چارەسەرکردنی کێشەکانی نێوان هەرێمی کوردستان و حکوومەتی فیدڕاڵیی ئێڕاق لە ئارادایە و بە هەموو توانایەک پشتگیریی جێبەجێکردنی ئەو ڕێککەوتنانە دەکەین کە لەنێوان لایەنە سیاسییەکانی ئێڕاق و هەروەها لەنێوان حکوومەتی هەرێمی و حکوومەتی فیدڕاڵیی ئێڕاق بەستراون.
ئەو چاوەڕوانییە هەیە کە لە قۆناغی داهاتوودا هەنگاوەکانی حکوومەت و پڕۆسەی سیاسیی ئێڕاق لە چوارچێوەی دەستوور و، بە ئاڕاستەی بەرژەوەندییەکانی گەلانی ئێڕاق و هەروەها ڕەچاوکردنی پڕەنسیپەکانی هاوبەشی و هاوسەنگی و سازاندا بێت.
لە کۆتاییدا ئومێدی ئەوە دەخوازم ساڵی تازە، ساڵی خۆشی و بەختەوەری بێت بۆ هەموو هاووڵاتیانی کوردستان و ئێڕاق و، ئاشتی و تەبایی بۆ ناوچەکەمان و سەرجەم مرۆڤایەتی بێتە دی. [1]
#مەسعود بارزانی#
31ی کانوونی یەکەمی 2022
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 735 mal angesehen
Schreiben Sie Ihren Kommentar zu diesem Artikel!