بەڕێوبەرایەتی گشتی تەندرووستی #سلێمانی# ڕاگەیاندراوێکی بڵاوکردەوە سەبارەت بە گەیاندنی هاوکاری پزیشکی بۆ هاووڵاتیانی کارەساتی بومەلەرزەکەی باکوور و ڕۆژاوای کوردستان و ئامادەی گواستنەوەی هەر بریندارێکین بۆ ناو ناوەندە تەندرووستییەکانمان بە مەبەستی چارەسەر کردنیان. بەڕێوبەرایەتی گشتی تەندرووستی سلێمانی لە ڕاگەیاندراوێکدا ڕایگەیاند، وێڕای دەربڕینی ئەوپەڕی خەم و پەژارەمان بۆ ڕوودانی کارەساتە سرووشتییەکەی باکوور و ڕۆژاوای کوردستان، کە بۆتە هۆی گیان لەدەستدانی ژمارەیەکی زۆری هاووڵاتی مەدەنی و بێسەروشوێن بوونی ژمارەیەکی تر و سەرگەردان بوون و ماڵوێران بوونی بەشێکی زۆری هاووڵاتیان، لە سۆنگەی هەست کردن بە بەرپرسیارێتی و ئەوپەڕی خەمخۆریمان بۆ دۆخەکە. ئاماژەی بەوەش کرد، ئەوپەڕی ئامادەیی و پشتیوانی تەندرووستی و لۆجیستی خۆمان ڕادەگەیەنین بۆ گەیاندنی هەرچی زووە لە هاوکاری پێداویستی پزیشکی و تەندرووستی بۆ شوێنە کارەساتبارەکان و ئامادەی گواستنەوەی هەر بریندارێکین بۆ ناو ناوەندە تەندرووستییەکانمان بە مەبەستی چارەسەر کردنیان. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 532 mal angesehen