ناونیشانی بابەت: پڕۆژەی ڕووپێوی چەند ناوچەیەکی شوێنەواریی شارۆچکەی #کۆیە# جێبەجێ دەکرێ
ئامادەکردنی: #هەڵمەت بتوێنی#
بەڕێوەبەرایەتی شوێنەواری کۆیە بە هاوکاریی تیمێکی زانکۆی کۆماری چیک، کاری ڕوپێوکردنی چەند ناوچەیەکی شوێنەواریی سنووری کۆیە جێبەجێ دەکات.
هێمن نەعمان، لە فەرمانگەی شوێنەواری کۆیە، بە (باسکورد) ی ڕاگەیاند: کارەکە لە سنووری سکتان، #دۆڵی سماقوڵی#، #دێگەڵە# (عەلیاوە) ی سنووری کۆیە جێبەجێ دەکرێ، کە بەهاوبەشیی لەگەڵ تیمی زانکۆی (پاڵاچکی ئۆڵۆمۆک) ی کۆماری چیک، بۆ ماوەی پێنج ساڵە و بریتییە لە ڕووپێوکردنی ناوچە شاخاوییەکانی باکووری شارۆچکەی کۆیە، کە لە ڕووپێوییەکانی پێشتری سنوورەکەمان بەسەر نەکرابوونەوە.
وتیشی: کارەکان بە پشتبەستن بە وێنە سەتەلایتییەکانی وەک (کۆرۆنا هێکساگۆن) و بەکارهێنانی (GPS) و (Drone) دەبێت، کە سەرژمێری ناوچە شوێنەوارییەکان و پۆلینکردنیان بەپێی سەردەمەکانیان و دیاریکردنیان لەسەر نەخشەیەکی تایبەت و دواتر درووستکردنی ئەپێکی ئۆنڵاینیی تایبەت بە پڕۆژەکە و تۆمارکردنی زانیاری دەربارەی پێگە شوێنەوارییەکان لەخۆ دەگرێت.“[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,009 mal angesehen