#ئەمەل سەعید کوردە# یەکێکە لە ناوە دیارەکانی بواری هونەری میوزیک و گۆرانی لە سەردەمی زێڕیندا و ئێستاش 2023 بەردەوامە لە خزمەتکردنی بوارەکە. لە لێدوانێکیدا بۆ (پەیجی نسێ) دەڵێت: نوێترین کارم، کارێکی هونەری سەردەمیانەیە بەناوی کۆنفلەگرەیشن واتە (ئەو گڕەی بە سەختی کۆنترۆڵ دەکرێت) لەگەڵ هونەرمەند ژاڵە واحید لە بەڕیتانیا لە پێشانگایەکدا بۆ ماوەی 6 مانگ لە شاری نیوکاسڵ نمایش دەکرێت، کە لە سێ پێکهاتەی هونەری بەرهەم هاتووە (دەنگ و ڕووناکی و پەیکەرتاشی) ، لەو بەرهەمەدا من بە کاراکتەری دەنگی بەشداریم کردووە بە وتنی 6 مەقام بە زمانی ئینگلیزی، کە کارێکی مەزنە بۆ کڵپەی ئاگرەکەی بابە گوڕگوڕ سازکراوە.
ئەمەل سەعید کوردە، دڵگرانە لە ئاستی هونەری بە گشتیی و لەمبارەیەوە دەڵێت: هەر قسەیەک بکەین دەبینە مایەی پێکەنینی خەڵکی لەبەر ئەوەی هیچ پێوەرێکمان نییە بۆ هەڵسەنگاندنی کارە هونەرییەکان لە باشووری کوردستان و هیچ یاسایەکمان نییە بۆ پلەبەندی کارە باش و خراپەکانمان، بۆیە بڕیاردان سەختە لەسەر ئەو جۆرە بابەتانە.
ئەم هونەرمەندە لەدایکبووی شاری #کەرکووک#ە و لە #سلێمانی# ژیاوە و پەیمانگای هونەرە جوانەکانی تەواوکردووە و بۆتە خاوەنی بەکالۆریۆسی هونەر لە بەڕیتانیا و ئەلبوومێکی هەیە بەناوی هاوڕێ گیان و خاوەنی زیاتر لە 30 گۆرانی تەنیایە.
ماوەیەکیش، خەریکی بەرهەمهێنانی بەرنامەیەکی هونەری و دیدار لەگەڵ هونەرمەندان بوو بەناوی (مروارییەکانی غوربەت) کە لەسەر ئەرکی خۆی و لەماڵەکەی خۆیدا بۆ ماوەی سێ ساڵ خزمەتی هونەرمەندانی پێکرد. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 557 mal angesehen
Schreiben Sie Ihren Kommentar zu diesem Artikel!