خانمە پزیشکێکی پسپۆڕی بواری نەخۆشییەکانی دڵ و لوولەکانی خوێن لە ڕووسیا دەڵێت: هەندێک خواردنی دیاریکراو کە ئاستێکی بەرزی گلیسەمییان هەیە، بەشێوەیەکی مەترسیدار ئەگەری تووشبوون بە خەستبوونەوە و بە کڵۆبوونی خوێن زیاد دەکەن.
بەگوێرەی پێگەی میدیک فۆرومڕوی ڕووسیی، دوکتۆرە ئانا کۆرینیڤیچ پسپۆڕی نەخۆشییەکانی دڵ و لوولەکانی خوێن باسی لەوەکردووە، ئەگەربێت و مرۆڤ بەشێوەیەکی بەردەوام هەندێک خواردنی دیاریکراو بخوات، ئەوە مەترسیی خەستبوونەوەی خوێن و درووستبوونی جەڵتەی دڵی زیاد دەکات.
ئەو خانمە پزیشکە ڕووسییە ئاماژەی بۆئەوەکردووە، خۆراکانەی دەبنە هۆی خەستبوونەوەی خوێنی کەسەکە و بەکڵۆبوونی خوێنەکەی بەشێوەیەکی سەرەکیی بریتین لە: ئەو خۆراکانەی دەوڵەمەندن بە کاربۆهیدرایتە سادەکان کە چەند جۆرێکی جیاوازی شیرینییەکان و ئەو بەنانکراوانە دەگرێتەوە کە لە شەکر و ئاردی سفر درووستدەکرێن.
باسی لەوەشکردووە، زۆرجار بڕێکی زۆر شەکر لە سۆسی ئامادەکراو و خواردنە خێراکان و بەرهەمە خۆراکییە کەم چەورییەکاندا هەیە.
کۆرینڤیچ دەڵێت: خواردنەوە کحولییەکانیش یەکێکی ترن لە هۆکارەکانی خەستبوونەوە و بە کڵۆبوونی خوێن و دواجار درووستبوونی جەڵتەی دڵ، بەشێوەیەکی زۆرینەی ڕووداوەکانی جەڵتەی دڵ و لوولەکانی خوێن کە هۆکارەکەی مادە کحوولییەکانە، لە ڕۆژی دوای خواردنەوەیاندا درووستدەبێت. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 576 mal angesehen
Schreiben Sie Ihren Kommentar zu diesem Artikel!