بەداخ و کەسەرێکی زۆرەوە ڕادەگەیەنین کە کاک #بێهزاد مەحمودی# ئەندام و پێشمەرگەی سازمانی خەباتی کوردستانی ئێران لە دوای چەند ڕۆژ بەربەرەکانی لەگەڵ مەرگ، بەهۆی سەختی برینەکەیەوە ئەمشە و #23-05-2021# لە نەخۆشخانەی ئیمێرجێنسی شاری هەولێر کۆچی دوایی کرد.
کاک بێهزاد (محەمەد) مەحمودی ڕۆژی سێشەممە #18-05-2021# لە بەردەم ئۆفیسی نەتەوە یەکگرتووەکان لە شاری #هەولێر# لەپێناو هاتنە دیی ویستی پەنابەرانی سیاسی لە هەرێمی کوردستان خۆی سووتاند کە لە دوای گواستنەوەی بۆ نەخۆشخانەی ئێمێرجینسی هەولێر لەژێر چاودێری وردی پزیشکیدا بوو، بەڵام بەداخەوە مەرگ مەودای نەدا و دوا ماڵاوایی لە هاورێ و هاوڕێبازانی کرد.
دکتۆرە بەڕێزەکان و کارمەندانی نەخۆشخانەی ئێمێرجنسی لە هەولێر و هەڤاڵانی لە سازمانی خەبات هەوڵی زۆریاندا بۆ ڕزگار بوونی کاک بێهزاد، بەڵام بەداخەوە هەوڵەکان بەهۆی کاریگەریی برینەکانی بێ کەڵک بوون و لە ئەنجامدا ئەو لاوە تێکۆشەرەی نەتەوەکەمان بەجوانەمەرگی و دوور لە زێد و کەسوکاری شەهید بوو. سپاسی هەموو لایەک و بەتایبەتی کارمەندانی نەخۆشخانەی ئێمێرجنسی دەکەین کە لە ماوەی مانەوەی شەهید بێهزاد لە نەخۆشخانە هاوکاریان کردووین. [1]
#سازمانی خەباتی کوردستانی ئێران#
پێوەندی هەولێر 23-05-2021
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 573 mal angesehen
Schreiben Sie Ihren Kommentar zu diesem Artikel!