سەرۆکاتیا ھەرێما کوردستانێ دەربارێ بوویەرا فرۆکەخانەیا سلێمانیێ دا داخویانیەک بەلاڤ کر و ژ ئالیێن پێوەندیدار داخواز کر کو ژ بۆ لێکۆلینا ل چاڤکانی و سەدەما بوویەرێ، ئەرکێ خوە جێبەجێ بکن.
د داخویانیا سەرۆکاتیا ھەرێما کوردستانێ دا ھاتیە دیارکرن: “دڤێ ھەموو ئالی ئارام ببن و ب ئاوایەکی دروست سەرەدەریێ لگەل بوویەرێ و ئەنجامێن وێ بکن و ل شوونا تۆمەتبارکرنێ، ژ بۆ نەھشتنا سەدەمێن وێ، گاڤ بهێن ئاڤێتن.”
داخویانیا سەرۆکاتیا ھەرێما کوردستانێ وھایە:
سەرۆکاتیا ھەرێما کوردستانێ بوویەرا فرۆکەخانەیا ناڤدەولەتییا سلێمانیێ شەرمەزار دکە کو ئێڤارا دوھی 7ێ نیسانێ روودا. ئەم ژ وان ئالۆزیێن کو ل پەی وێ ھاتن، نیگەرانن.
ئەم داخوازێ ژ ئالیێن پێوەندیدار دکن کو ئەرکێ خوە جێبەجێ بکن ژ بۆ لێکۆلینا ل چاڤکانی و سەدەما بوویەرێ، دڤێت ھەموو ئالی ئارام ببن و ب ئاوایەکی دروست سەرەدەریێ لگەل بوویەرێ و ئەنجامێن وێ بکن و ل شوونا تۆمەتبارکرنێ، ژ بۆ نەھشتنا سەدەمێن وێ، گاڤ بهێن ئاڤێتن.
ئەم ھەموو وەلاتیێن کوردستانێ، ب تایبەتی باژارێ خۆشەویستێ سلێمانیێ پشتراست دکن کو پاراستنا ئاساییش و سەقامگیری و ژیانا وان، ئەرکێ پێشینەیێ سازیێن ھەرێما کوردستانێیە و رێ نایێ دایین ب چ بھانەیەکی بکەڤن مەترسیێ.
سەرۆکاتیا ھەرێما کوردستانێ
8ێ نیسانا 2023
[1]
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 491 mal angesehen
Schreiben Sie Ihren Kommentar zu diesem Artikel!