بەیانی ئەمڕۆ #10-04-2023# لە قایمقامییەتی #سلێمانی#، کۆبوونەوەیەکی فراوان بە بەشداری نوێنەری سەرجەم فەرمانگە خزمەتگوزارییەکان بەڕێوەچوو، بە مەبەستی خستنەڕووی ڕێگا چارەی گونجاو بۆ ئەگەری درووستبوونی لافاو.
بەپێی ڕاگەیاندراوی کۆبوونەوەکە ”ئەگەرەکانی کەشوهەوای چەند ڕۆژی داهاتووی تاوتوێ کرد، کە پێشبینی دەکرێت بارانی بەخوڕ بێت، کە شەپۆلەکە شەپۆلێکی بەهارییە و چاوەڕێدەکرێت بەهێز بێت، بەڵام شایەنی مەترسی نییە”.
قایمقامییەتی سلێمانی، ژووری عەمەلیاتی پێکهێناوە، لە هەر یەک لە بەڕێوەبەری فەرمانگە خزمەتگوزاری و ئەمنییەکان بۆ هەر ئەگەرێک.
دوای نیوەڕۆی ئەمڕۆش 10-04-2023 لە پارێزگای #هەولێر#، بەبەشداری پارێزگار و جێگرەکانی و قایمقامی هەولێر و سەرۆکى شارەوانى و زێرڤانى و بەڕێوەبەرایەتی کەشناسى، بەڕێوەبەرى هونەرى بەرگرى شارستانى، بەڕێوەبەرى چاککردنەوەى ڕێگاو بانى هەولێر، بەڕێوەبەرى ئاودێرى، بەڕێوەبەرى ئاو و ئاوەڕۆکان، کۆبوونەوە. کۆبوونەوەکە خستنەڕووی ئامادەکارییەکان بووە لەپێناو بەرگرتن لە درووستبوونى لافاو و کەمکردنەوەى مەترسى ڕوودان و زیانەکانى ئەنجامدرا.
بەپێی ڕاگەیاندراوێکی پارێزگاری هەولێر، لەماوەى (72) کاتژمێرى داهاتوودا سەرجەم فەرمانگەکان لە ئامادەباشیدا دەبن بۆ ڕووبەڕووبوونەوەی هەر ئەگەرێکی نەخوازراو. [1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 590 mal angesehen
Schreiben Sie Ihren Kommentar zu diesem Artikel!