ھەژدە کۆتر .. ھەژدە کچ، پێشانگەیەکی هەمیشەیی
کاتێک لە ھەولێرەوە دەگەیتە دەروازەی شاری #کۆیە#، لەسەر چەند شاخێکی ئەو ناوچەیە، ھونەرمەندی شێوەکاری کورد (#حەمە ھاشم#) کارێکی ھونەریی ناوازەی کردووە. ئەم کارە ھونەرییە پێی دەوترێت (لاند ئاڕت) و ناوی پڕۆژەکە (18) یە، ئەم بەرھەمە ھونەرییە دە ساڵ پێش ئێستا جێبەجێ کراوە، کە بریتییە لە 18 کۆتری سپی لکێنراو بە شاخەکانەوە و بە ماتریاڵی ئاسن پێکھاتەکەی داڕێژراوە.
گوزارشتی کارە ھونەرییەکە بیرھێنانەوەیە بۆ جەربەزەیی و نەبەردیی 18 کچی کۆیە کە لە ساڵانی ھەشتاکانی سەدەی ڕابوردوو، ڕژێمی بەعس بە بیانووی کوردبوونیان و خەباتیان لە ڕیزەکانی پێشمەرگە دەیانگرێت و ئەشکەنجەیان دەدات.
لە ڕووی پێکھاتەی ھونەریی و بینینی ئیستێتیکییەوە، یەکێکە لەو کارە ھونەرییە مۆدێرنانەی کە کەمجار لە کوردستان بەر چاومان دەکەوێت.
لاند ئارت ڕەوتێکی ھونەریی تازەیە لە دنیای ھونەر و لە ساڵی 1960 ەوە ئەم ستایلی کارکردنە لە ھونەر لە جیھاندا تەشەنەی سەندووە.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 589 mal angesehen
Schreiben Sie Ihren Kommentar zu diesem Artikel!