لەیادی ئەوکارەساتەدا، درود بۆ رۆحی پاکی ئەو شەهیدانەی تەنها لەبەر ناسنامەی کوردبوونیان بە ناهەق گوللەباران کران، سڵاو بۆ ئەوانە دەنێرین کە ئازار و مەینەتیەکانی ئەو رۆژانەیان چەشت.
بۆ سارێژبوونی ئازارەکان و رەوینەوەی خەمەکانی کارەساتی ئەنفال کە 35 ساڵ لەمەوبەر رژێمی لە ناوچوی بەعس دژ بەگەلی کورد و پێکهاتەکانی تری کوردستان کردی، #یەکێتیی نیشتمانیی کوردستان# هەرلە دوای راپەڕینی کۆمەڵانی خەڵکی کوردستانەوە هەوڵەکانی خستەگەڕ بۆ ئاوەدانکردنەوەی ئەو گوند و دێهات و ناوچانەی کە بەر رووخان و سوتاندنی پەلامارەکە کەوتن، چ لە سەر بودجەی خۆی، چ لە رێگەی حکومەتی هەرێم و رێکخراوە مرۆڤدۆستە ناحکومییە جیهانییەکانەوە.
لە دوای رووخانی رژێمی بەعس و لەگەڵ دامەزراندنی دادگای باڵای تاوانەکان لە عیراقیشدا، ئەوە هەر یەکێتی بوو هەوڵەکانی بەگەڕخست بۆ بە جینۆساید ناساندنی کارەساتی تاوانی ئەنفال و بەپێی ماددەی (132) دەستووری هەمیشەیی عیراق قەرەبووکردنەوەی زەرەرمەندانی تاوانەکانی رژێمی زامن کرد، کاتێتی لە ئاستی نێودەوڵەتیش ئەو تاوانە بە جینۆساید بناسرێت و دانی پێدابنرێت.
ئەم ناساندنە ناوخۆیی و جیهانیەش رێگە بۆ هەموو قەرەبووە شایستەکانی تر دەکاتەوە ئەگەرچی هیچیان نابنە هاوشانی ئازارەکان.[1]
ئەنفال ژانی نیشتمان و خەمی ئەبەدی نەتەوەیە
مەکتەبی سیاسیی یەکێتیی نیشتمانیی کوردستان
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 396 mal angesehen
Schreiben Sie Ihren Kommentar zu diesem Artikel!