بنەچەو بەگزاڎەکا هۆرامانی
بەشۊ دوەمۍ
باریە بەگ
دمای کۊچی دمایینو(بەهمەنی یەرەم)ی سەرو قەرارو شووراو خەڵکو هۆرامانی(باریە بەگ) کوڕو بەهمەنی یەرەمی، پېسە حوکمڕانو هۆرامانی دەسبەکار بییەن، چا سەردەمەنە فرەو دەگایەکاو هۆرامانی خاوەن قەڵا و بورجو وېشا بیېنۍ، ئانەیچ پەی پارېزنای دەگانشینەکا جە هەر پەلامارێ دژمەنی.
(باریە بەگ) دمای وەرگېرتەی دەسەڵاتی، خەریکو پېوەڼکەردەیۆ پېوەڼییەکاش بییەن چەنی بەرو هامسای، چەنی ئانەیچە حەزێ ناخشەنە چەکەرەش کەردەن پەی فراوانکەردەی سنوورو دەسەڵاتەکەیش، هەر چی بوارەنە کناچۍ دەسەڵاتدارو(دېوەزناو)یش مارەکەردېنە، وەختێ ژەنەکېش گېڵێنۆ پەی یانە باوانی، پەنەش واتېنە: گەر تاتەیت هەر خەڵاتێ و دیاریێش پەنە بەخشای وەرش نمەگېرە، بېجگە پارچە زەمینێ کە باریە بەگی پەی دیاریکەردېنە، وەختێ زەمینەکەی وەرگېرۊن، مەبەخشۊش بە مېردەکەیش(باریە بەگ)ی، ئاڎییچ حەفتا یانۍ(خانەوادۍ) مەکیانۊ پەی سەرو زەمینەکەی و ئاوەڎانەش کەروۋە، دەگێوەشا چەنە وەشکەردېنە بە نامۍ(نوێن)ی، ئانەی جە سەرچەمە تاریخیەکانە ئامان دەربارەو حوکمڕانی(باریە بەگ)ی، زانیاری فرە کەمەن و تەژنای نمەماڕۊ، باریە بەگ دمای (55) ساڵا حوکمڕانی، ساڵەو(502ک/ 1109ز) کۊچی دمایینش کەردەن.[1]
Dieser Artikel wurde in (هەورامی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dieser Artikel wurde bereits 647 mal angesehen
Schreiben Sie Ihren Kommentar zu diesem Artikel!