#کۆمەڵی دادگەریی کوردستان#، بڕیاریدا سەرجەم نوێنەرانی حزبەکەی لە پەڕڵەمانی کوردستان، ئەنجوومەنی پارێزگاکان و حکوومەتی خۆجێی #سلێمانی# دەستلەکارکێشانەوەی خۆیان پێشکەش بکەن.
#عەلی باپیر#، سەرۆکی کۆمەڵی دادگەریی کوردستان لە ڕاگەیەنراوێکدا ئاماژەی بەوەکردووە، لەلای هەموو لایەک ئاشکرایە کە لە سۆنگەی دواخستنی هەڵبژاردنەکان و بە ناچاریی درێژکردنەوەی تەمەنی دامەزراوەکانەوە لەکەیەکی گەورە لەسەر کۆی پڕۆسەی سیاسی هەرێمی کوردستان پەیدابووە و ترسی جیددیش بەهۆی کێشە و قەیرانەکانەوە لەسەر قەوارەکەش درووست بووە. باسی لەوەشکردووە، لەلایەکی دیکەشەوە تەمەنی ئەنجوومەنی پارێزگاکان و حکوومەتی خۆجێی پارێزگای سلێمانییش هەر ماوەیان بەسەرچووە و، لەو ڕووەوە لە پەڕڵەمان جیاوازیی نییە. بۆیە سەرۆکی کۆمەڵی دادگەریی جەختی کردووەتەوە، بە پێویستمان زانی لە کۆبوونەوەی گشتیی ئەمڕۆدا #01-05-2023# سەرجەم نوێنەرانمان لە پەڕڵەمانی کوردستان و ئەنجوومەنی پارێزگاکان و حکوومەتی خۆجێی سلێمانی دەست لەکارکێشانەوەی خۆیان پێشکەش بکەن. لە بەشێکی تری ڕاگەیەنراوەکەیدا هاتووە، سوپاس و پێزانینیشمان بۆ هەموو برا و خوشکانی نوێنەرمان هەیە لە پەڕڵەمانی کوردستان و ئەنجوومەنی پارێزگاکان و حکوومەتی خۆجێی سلێمانی کە لە ماوەی ڕابردوودا دڵسۆزانە بە ئەرک و کاری خۆیان هەڵساون. [1]
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 468 mal angesehen
Schreiben Sie Ihren Kommentar zu diesem Artikel!