حاڵەتێکی باوە کە زۆرکات مووی جەستە لەژێر پێستەکە دەمێنێتەوە و نایەتە دەرەوە، زۆرکاتیش لەژێر پێستکەوە هەوکردن درووستدەبێت، دەتوانیت بە پێی بەشەکانی جەستەت چارەسەریان بکەیت.
=KTML_Bold=1. بۆ ڕوخسار=KTML_End=
پێویستە بۆ ڕوخسار سکرەبی پزیشکی بەکاربێت بە پێی جۆری پێستت (چەور، هەستیار، وشک و ئاسایی) ، پاشان بۆ ڕوخسارت بەکاریبهێنیت.
هەروەها دەتوانیت هەنگوین و شەکر تێکەڵ بکەیت، بە دوو بڕی یەکسان، پاشان بیدە لە ڕوخسارت بۆ ماوەی 5 خولەک، دواتر بیشۆ و وشکی بکەرەوە.
=KTML_Bold=2. بۆ جەستە=KTML_End=
سەرەتا گرنگە لەناو گەرماوێکی هەڵمیی گەرمدا بمێنیتەوە، ئەمەش یارمەتیی شێدارکردنەوەی پێست دەدات.
ئەسپرین سوودی هەیە بۆ لابردنی مووی ژێر پێست، لەگەڵ ئاودا تێکەڵی بکە و بیدە لەو شوێنەی کە دەتەوێت بۆ ماوەی 15 خولەک، پاشان بە ئاوی شلەتێن بیشۆ.
=KTML_Bold=3. بۆ شوێنی هەستیار=KTML_End=
سەرەتا شوێنە هەستیارەکە بە ئاو و شامپۆیەک بشۆ کە سابوون و بۆنی تێدا نەبێت، خاولیەکی خاوێن بە ئاوی شلەتێن تەڕ بکە و بیکەرە سەر شوێنی مەبەست بۆ ماوەی 10 خولەک.
پاشان شەکری زبر بەکاربهێنە بۆ سکرەبکردنی بە مەبەستی لابردنی پێستە مردووەکان، پاشان جارێکی دیکە خاوێنی بکەرەوە و بە ئاوی شلەتێن بیشۆ. [1]