واتەو وەڵینا
بی بە ڕەفېقو قەلەندەری، جە ڕیش و سمېڵی بی بېبەری:
ئی واتۍ بنەمێوە تاریخیەش هەنە، مەگېڵناوە:
قەلەندەرۍ تیرێوەنۍ (سەرە، ڕیش، سمېڵۍ، بروۍ) شا تاشان، ملاوە سەرو (شېخ جەمالەدینی ساوەیی) ، ڕازێ دەربارەش مەگېڵناوە پی تەرزە:
شېخ جەمالەددین کەسێ جوان و تەڕپۊش بېیەن، ژەنێ حەز چەنە کەردەن، چن جارێ قاقەزش پەی کېیاستەن و سەرەڕاش وەنە گېرتەن، بەڵام بۍ سووڎ بېیەن، ئاڎ گۊشش نەڎێنە پەنە، دماجار پیرە ژەنێش کەردېنە توشۆ، ڕوێ سەرەڕاش وەنە گېرۊن، پەنەش ماچۊ: قوربان، کوڕەکەیم نامێوە پەی کېیاستەنا، من خوڼەواریم نېیەن، بە ئەرک نەبۊ پەیم بوانیۆ، گەر تەشریف باری پەی یانەی ئانە گۆرەیی مرمانی، چوونکوم گەرەکمەن وەیوەکېچم گۊش پەی نامەکۍ گېرۊ.
وەختێ شېخ یاوان دلۍ یانەو پیرەژەنەکۍ، بەرەشا سەر ژەنان، دوۍ کارەکەرۍ پیرە ژەنەکۍ بە زۊر شېخشا بەردەن دلۍ هوڎێوە، ژەنەکۍ ئامێنە پەی لاییش، گەرەکش بېیەن دەسش چەنی تېکەڵ کەرۊن، شېخ زانانش چار نېیەن، بە ژەنەکېش واتەن جارێ دەس مېیاونو بە ئاوۍ، وەختێ زیانېرە، بە دڵو تۊ چېش ماچی پاسنە کەروون، وەختێ لوان سەرو ئاوۍ بە کاردێ کولە سەرە و ڕیش وسمېڵۍ و بروېش تاشێنۍ، کە زیانەرە ئڼە سیمێوە ناشیرینش بېیەن، وەرچەماو ژەنەکۍ کەوتەن، بە کارەکەرەکاش واتەن بە شەقۍ کەردېش بەرۆ، دمای ئا قومیایە گردو مورید و شۊنکەوتەکېش (سەرە، ڕیش، سمېڵۍ، بروۍ) شا تاشێنۍ، ئی واتۍ وەراوەر پا کەسا ماچاش پەی دەباز بېیەی جە هەرمانێ ناڕەوێ، چېوێ وېشان دوڕنان.[1]
Dieser Artikel wurde in (هەورامی - Kurdish Hawrami) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dieser Artikel wurde bereits 969 mal angesehen
Schreiben Sie Ihren Kommentar zu diesem Artikel!